ரிலீஸ் தேதியுடன் நடிகர்களின் லுக்கை வெளியிட்ட பொன்னியின் செல்வன் படக்குழு!

இயக்குநர் மணிரத்னம் இயக்கத்தில் உருவாகியுள்ள பொன்னியின் செல்வன் திரைப்படம் செப்டம்பர் 30-ம் தேதி வெளியாகும் என அறிவிக்கப்பட்டுள்ளது.

மெட்ராஸ் டாக்கீஸுடன் இணைந்து லைகா புரொடக்‌ஷன்ஸ் தயாரித்திருக்கும் இந்தப் படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார்.

10 ஆம் நூற்றாண்டில் சோழப் பேரரசு குடும்பத்தின் அதிகாரப் போராட்டம், பேரரசரின் வாரிசுகளுக்கிடையே ஏற்படும் வன்முறை பிளவு ஆகியவற்றை மையப்படுத்தி பொன்னியின் செல்வன் முதல் பாகம் உருவாகியுள்ளது.

விக்ரம், ஜெயம் ரவி, கார்த்தி, ஐஸ்வர்யா ராய் பச்சன், த்ரிஷா ஆகியோரின் ஃபர்ஸ்ட் லுக் போஸ்டரும் தற்போது வெளியாகியுள்ளது.

துணிச்சலான வீரர்கள், தந்திரமான உளவாளிகள் மற்றும் சூழ்ச்சியாளர்கள் அனைவரும் சாம்ராஜ்யத்தை வெல்ல முயற்சிக்கும் ஒரு சாகசக் கதை இது.

இந்த வருடத்தில் மிகவும் எதிர்பார்க்கப்பட்ட படங்களில் ஒன்றாக உள்ள பொன்னியின் செல்வன் படத்தில் விக்ரம், கார்த்தி, ஜெயம் ரவி, பிரகாஷ் ராஜ், ஐஸ்வர்யா ராய் பச்சன், த்ரிஷா, விக்ரம் பிரபு, ஐஸ்வர்யா லட்சுமி உள்ளிட்ட பெரும் நட்சத்திர பட்டாளமே இதில் நடித்துள்ளது.