Ponniyin Selvan: பொன்னியின் செல்வன் படத்தில் ஐஸ்வர்யா ராய் மகளுக்கு மணிரத்னம் கொடுத்த வாய்ப்பு!

ஐஸ்வர்யா ராயின் மகள் ஆரத்யாவுக்கு இயக்குநர் மணிரத்னம் பொன்னியின் செல்வன் படத்தில் அழகான வாய்ப்பு ஒன்றை கொடுத்திருக்கிறார்.

நடிகை ஐஸ்வர்யா ராய் தற்போது பொன்னியின் செல்வன் படத்தின் புரொமோஷனில் பிஸியாக உள்ளார்.

அப்போது தனது மகள் ஆராத்யா பொன்னியின் செல்வன் படப்பிடிப்பு தளத்திற்கு வந்ததையும், அங்கு மணிரத்னம் அவளுக்கு வழங்கிய வாய்ப்பையும் தெரிவித்துள்ளார்.

"அந்த நேரத்தில் அவள் பரவசமாக இருந்தாள். ஒரு பீரியட் டிராமாவைப் பார்ப்பது எப்போதுமே உற்சாகமாக இருக்கும். மேலும் அவளுக்கு செட்டிற்கு செல்லும் வாய்ப்பு கிடைத்தது. அப்போது அந்த பரவசத்தை அவள் கண்களில் நான் பார்த்தேன்.

ஆனால், மணிரத்னத்துடன் நான் பணிபுரிந்ததை எண்ணி அவள் வியக்கிறாள். அதோடு அவரை மதிக்கிறார், அவர் மீது பிரமிப்பில் இருக்கிறார். மேலும், ஒரு நாள் அவள் படப்பிடிப்பிற்கு வந்தபோது, ஆராத்யாவுக்கு ஆக்‌ஷன் சொல்லும் வாய்ப்பை அளித்தார் மணிரத்னம். அது அவளை மிகவும் உற்சாகப்படுத்தியதாக நான் நினைக்கிறேன்.

அவளால் அதிலிருந்து இன்னும் வெளிவர முடியவில்லை. ’சார் அந்த வாய்ப்பை எனக்குக் கொடுத்தார்' என்பது போல் இருந்தாள். நம்மில் யாருக்கும் அந்த வாய்ப்பு கிடைக்கவில்லை என நினைக்கிறேன்.

அதுவே அவளுக்கு பசுமையான நினைவாக மாறியிருக்கிறது.

அந்த வாய்ப்பையும், மணிரத்னம் சாரையும் அவள் ரொம்பவே மதிக்கிறாள்” என்றார்.

பொன்னியின் செல்வன் படத்தில் நந்தினியாக ஐஸ்வர்யா ராய் நடித்திருப்பது குறிப்பிடத்தக்கது.