பொன்னியின் செல்வன் 2 இந்த தேதியில் ஓடிடியில் வெளியாகிறதா? வெளியான தகவல்

கல்கியின் பொன்னியின் செல்வன் 2 நாவலை அடிப்படையாகக் கொண்டு இயக்குநர் மணிரத்னம் 2 பாகங்கள் கொண்ட படமாக இயக்கியிருந்தார்.

கடந்த ஏப்ரல் 28 ஆம் தேதி வெளியாகியிருந்த பொன்னியின் செல்வன் 2 திரைப்படம் இதுவரை உலக அளவில் ரூ.300 கோடிக்கும் அதிகமாக வசூலித்துள்ளதாக அறிவிக்கப்பட்டுள்ளது.

விக்ரம், கார்த்தி, ஜெயம் ரவி, ஐஸ்வர்யா ராய், திரிஷா உள்ளிட்டோர் இந்தப் படத்தில் முக்கிய வேடங்களில் நடித்திருந்தனர்.

இந்திய அளவில் 5 மொழிகளில் வெளியாகியிருந்தாலும் தமிழைத் தவிர இந்தப் படத்துக்கு மற்ற பகுதிகளில் போதிய வரவேற்பு இல்லை என்று கூறப்படுகிறது.

இந்தப் படம் வெளியாகி 25 நாட்களுக்கு மேலாகும் நிலையில் இந்தப் படம் வருகிற 26 ஆம் தேதி முதல் அமேசான் பிரைமில் பணம் செலுத்தி பார்க்கும் வகையில் ஒளிபரப்பாகவிருப்பதாகவும்   ஜுன் 2வது வாரம் முதல் அனைத்து சப்கிரைபர்களும் பார்க்கலாம் எனவும்  தகவல்கள் தெரிவிக்கின்றன.ஆனால் இதுகுறித்து அதிகாரப்பூர்வ தகவல்கள் வெளியிடப்படவில்லை.