பக்கா திகில்.. பகீர் ட்விஸ்ட்.. ஓடிடியில் கண்டிப்பாக பார்க்க வேண்டிய மலையாள த்ரில்லர் படங்கள்!

ஜன கன மன – நெட்ஃப்ளிக்ஸ் : லீகல் த்ரில்லர் ஜானரில் ப்ரித்விராஜின் அற்புதமான நடிப்பில் வெளிவந்த படம். கல்லூரி விரிவுரையாளர் ஒருவர் கொல்லப்படுகிறார். நாட்டையே அதிரச்செய்யும் இந்தக் கொலை மற்றும் அதன் விசாரணை குறித்த காட்சிகள் த்ரில்லிங்காக அமைக்கப்பட்டிருக்கும். ஐ.எம்.டி.பி. யில் இந்தப் படம் 8.3 புள்ளிகளைப் பெற்றுள்ளது.

படவெட்டு – நெட் ஃப்ளிக்ஸ் : கேரளாவின் வடக்குப் பகுதியில் அமைந்துள்ள சிறு கிராமத்தில் இருக்கும் இளைஞனை சுற்றி நடக்கும் சம்பவங்கள். அடக்குமுறையில் இருந்து வெளிவர போராடுகிறார் இளைஞனாக நடித்திருக்கும் நிவின் பாலி. இந்த படம் அவருக்கு கம்பேக்கை கொடுத்தது. ஐ.எம்.டி.பி. ரேட்டிங் 7.9

படா – அமேசான் ப்ரைம் வீடியோ : உண்மை சம்பவங்கள் அடிப்படையில் உருவாக்கப்பட்ட படம். 1996-ல் சர்ச்சைக்குரிய சட்டமசோதாவை எதிர்த்து இளைஞர்கள் மாவட்ட கலெக்டரை சிறைபிடிக்கிறார்கள். குஞ்சாக்கோ போபன், ஜோஜு ஜார்ஜ் முன்னணி கேரக்டரில் நடித்துள்ளனர். ஐ.எம்.டி.பி. ரேட்டிங் 7.8

பீஷ்ம பர்வம் – டிஸ்னி ப்ளஸ் ஹாட்ஸ்டார் : குடும்ப பிஸ்னஸை ஹீரோ கையில் எடுக்கும்போது குடும்பத்தை சேர்ந்த சில எதிரிகளுடன் சேர்ந்து விடுகிறார்கள். இறுதியில் ஹீரோ வெற்றி பெற்றானா என்பதுதான் கதை. மம்மூட்டி நடித்திருக்கும் இந்த படத்தின் ஐஎம்டிபி ரேட்டிங் 7.7

ஒருத்தீ – அமேசான் ப்ரைம் வீடியோ : நவ்யா நாயர், வினாயகன், சைஜு குருப் நடித்துள்ள படம். பல அசாதாரண சூழல்களை கடந்து வரும் நடுத்தர குடும்பத்து பெண்ணின் கதை. ஐஎம்டிபி ரேட்டிங் – 7.6

ஜான் லூதர் – அமேசான் ப்ரைம் வீடியோ : காணாமல் போன ஆசிரியரை கண்டுபிடிக்கும் போலீஸ்காரர் தனது முயற்சியில் வெற்றி பெற்றாரா என்பதை செம த்ரில்லிங்காக சொல்லியிருக்கிறார்கள். ஐ.எம்.டி.பி. ரேட்டிங் 7.3

ரோர்ஸ்சாக் – டிஸ்னி ப்ளஸ் ஹாட்ஸ்டார் : சைக்காலஜி த்ரில்லர் ஜானரில் வெளிவந்துள்ள மம்மூட்டி நடித்துள்ள படம். வழக்கமான ரிவெஞ்ச் கதைதான் என்றாலும், படத்தின் மேக்கிங், புதுமையான காட்சியமைப்பு ரசிகர்களுக்கு தரமான அனுபவத்தை கொடுக்கும். ஐ.எம்.டி.பி. ரேட்டிங் 7.2

மேப்படியான் – அமேசான் ப்ரைம் வீடியோ : ரியல் எஸ்டேட் பிஸ்னஸிற்குள் நுழையும் மெக்கானிக்கின் கதை. அரசியல்வாதிகள் மற்றும் பண பலம் கொண்டவர்களால் எந்த மாதிரியான பாதிப்புகளுக்கு ஆளாகிறான் என்பதை சுவாரசியமாக காட்சிப்படுததியுள்ளனர். எதிர்பாரா ட்விஸ்ட்டுகளை கொண்ட படம். ஐ.எம்.டி.பி. ரேட்டிங் 7.2

சல்யூட் – சோனி லைவ் : வழக்கில் மாட்டிக் கொண்ட அப்பாவி மனிதனை தனது ஆக்சனால் மீட்டெடுக்கிறார் ஹீரோ துல்கர் சல்மான். ஐஎம்டிபி ரேட்டிங் – 7