மோகன்லாலின் ஆறாட்டு உள்ளிட்ட மலையாளப் படங்களின் வெளியீட்டு தேதிகள்..

கேரளாவில் இந்த மாதம் 25 முதல் 50 சதவீத பார்வையாளர்களுடன் திரையரங்குகளை திறக்க அரசு அனுமதி அளித்திருந்தது. டாக்டர், நோ, டைம் டூ டை, வெனம் 2 போன்ற படங்கள் வெளியாகின. 2 டோஸ் தடுப்பூசி போட்டவர்களை மட்டுமே அனுமதிக்க வேண்டும் என்ற கடும் நிபந்தனைகள் விதிக்கப்பட்டுள்ளன. இந்நிலையில், திரையரங்கு மற்றும் ஓடிடியில் வெளியாகும் முக்கிய படங்கள் குறித்துப் பார்க்கலாம்.

ஸ்டார்: அக்டோபர் 29 இன்று பிருத்விராஜ் நடித்திருக்கும் ஸ்டார் திரைப்படம் திரையரங்குகளில் வெளியாகியுள்ளது.

குருப் : துல்கர் சல்மான் நடித்துள்ள குருப் நவம்பர் 12 ஆம் தேதி திரையரங்குகளில் வெளியாகிறது

சுமேஷ் அண்ட் ரமேஷ்: ஸ்ரீநாத் பாசி, பாலு வர்க்கீஸ் நடித்திருக்கும் சுமேஷ் அண்ட் ரமேஷ் நவம்பர் 26 திரையரங்குகளில் வெளியாகிறது

ஹிருதயம்: வினீத் சீனிவாசன் இயக்கத்தில் மோகன்லாலின் மகன் ப்ரணவ், ப்ரியதர்ஷன் மகள் கல்யாணி நடித்திருக்கும் ஹிருதயம் 2022 ஜனவரி 21 வெளியாகிறது.

ஆறாட்டு: மோகன்லால் நடித்திருக்கும் ஆறாட்டு திரைப்படம் 2022 பிப்ரவரி 10 ஆம் தேதி வெளியாகும் என்று அறிவித்துள்ளனர்.

திங்கழாச்ச நிச்சயம்: இந்தப் படம் இன்று அக்டோபர் 29 சோனிலிவ் ஓடிடி தளத்தில் வெளியாகியுள்ளது.

நிவின்பாலி நடித்திருக்கும் இந்தப் படம் நவம்பர் 12 ஆம் தேதி டிஸ்னி + ஹாட் ஸ்டாரில் வெளியாகிறது.

டொவினோ தாமஸ் நடித்துள்ள மலையாளத்தின் முதல் சூப்பர் ஹீரோ திரைப்படமான மின்னல் முரளி டிசம்பர் 24 நெட்பிளிக்ஸில் வெளியாகிறது.