Mahalakshmi Ravindar: நடிப்பை விட்டு விலகும் மகாலட்சுமி ரவீந்தர்? அடுத்த பிளான் என்ன தெரியுமா?

தயாரிப்பாளர் ரவீந்தர் சந்திரசேகரை திருமணம் செய்துக் கொண்ட நடிகை மகாலட்சுமி நடிப்புக்கு குட் பை சொல்லவிருப்பதாக தகவல்கள் தெரிவிக்கின்றன.

கடந்த செப்டம்பர் 1-ம் தேதி சின்னத்திரை நடிகை மகாலட்சுமியை திருமணம் செய்துக் கொண்டார் லிப்ரா புரொடக்‌ஷன் தயாரிப்பாளர் ரவீந்தர் சந்திரசேகரன்.

இவர்கள் இருவருக்கும் இது இரண்டாவது திருமணம்.

மகாலட்சுமிக்கு முன்பே அனில் என்பவருடன் திருமணமாகி சச்சின் என்ற மகன் இருக்கிறான். பின்னர் இருவரும் விவாகரத்து பெற்று பிரிந்தனர்.

ரவீந்தரும் முதல் மனைவியை பிரிந்து தனியே வாழ்ந்து வந்தார்.

தற்போது ரவீந்தர் தயாரித்து வரும் விடியும் வரை காத்திரு என்ற படத்தில் நடித்து வருகிறார் மகாலட்சுமி.

திருமணத்திற்குப் பிறகு மகாலட்சுமி ரவீந்தர் சந்திரசேகரனின் படங்களும், பேட்டிகளும் இணையத்தை ஆக்கிரமித்துள்ளன.

விஜய் டிவி-யில் இவர்கள் கலந்துக் கொள்ளும் ’வந்தாள் மகாலட்சுமியே’ என்ற நிகழ்ச்சி ஆயுதபூஜை ஸ்பெஷலாக ஒளிபரப்பாகவிருக்கிறது.

இந்நிலையில் சீரியல்களில் நடித்து வரும் மகாலட்சுமி நடிப்பை விட்டு விலகவிருப்பதாக தகவல்கள் தெரிவிக்கின்றன.

சீரியல்களில் நடிப்பதை விட்டு விட்டு, இனி சீரியல்களை தயாரிக்க முடிவு செய்துள்ளாராம் மகாலட்சுமி. மறுபுறம் அவரது கணவர் ரவீந்தர் சினிமா தயாரிப்பாளராக இருப்பது குறிப்பிடத்தக்கது.