வாழ்க்கை அழகா இருக்கு - திருமணம் முடிந்து 4 மாதம் ஆன நிலையில், மகாலட்சுமி ரவீந்தர் நெகிழ்ச்சி

சன் மியூசிக் சேனலில் தொகுப்பாளினியாக தனது மீடியா வாழ்க்கையை தொடங்கியவர் மகாலட்சுமி. 90’ஸ் கிட்ஸ் பலரின் கிரஷ்ஷாக வலம் வந்த இவர், பின்னர் சீரியல்களில் நடிக்க ஆரம்பித்தார்.

இவருக்கு அனில் என்பவருடன் திருமணமாகி ஒரு ஆண் குழந்தையும் உள்ளது. இந்நிலையில் கடந்த சில வருடங்களுக்கு முன்னர் கருத்து வேறுபாடுகளால் இருவரும் பிரிந்தனர்.

இதற்கிடையே தேவதையைக் கண்டேன் சீரியலில் நடித்து வந்த போது, உடன் நடித்த சக நடிகர் ஈஸ்வரிடம் மகாலட்சுமி நெருங்கி பழகுவதாக ஈஸ்வரின் மனைவி ஜெயஸ்ரீ புகார் கிளப்பினார். அதில் உண்மை இல்லை என ஈஸ்வரும், மகாலட்சுமியும் விளக்கமளித்தனர்.

கடந்த செப்டம்பர் மாதம் தயாரிப்பாளர் ரவீந்திரனை காதலித்து திருமணம் செய்துக் கொண்டார் மகா. சினியா தயாரிப்பாளர் ரவீந்தர் சந்திரசேகரனுக்கும், நடிகை மகா லட்சுமிக்கும் சில மாதங்களுக்கு முன்புநடந்த திருமணம் பரபரப்பாக பேசப்பட்டது.

தொடர்ந்து அவர்கள் மீது விமர்சனங்கள் வைக்கப்பட்டு வந்தது. அதையனைத்தையும் மறுத்த ரவீந்திரன் - மகா ஜோடி தங்களது காதல் திருமணத்தை மகிழ்ச்சியாக கொண்டாடி வருகின்றனர். அடிக்கடி வெளியே செல்வது புகைப்படங்கள் பதிவிடுவது போன்ற செயல்களில் ஈடுபட்டு வருகின்றனர்.

தற்போது ரவீந்தர் சந்திரசேகரனுடன் எடுத்துக்கொண்ட புதிய புகைப்படத்தை மகாலட்சுமி தனது வலைத்தள பக்கத்தில் வெளி யிட்டு அதில் “வாழ்க்கை மிகவும் அழகாக இருக்கிறது. நீங்களும் அப்படித்தான் ரவிந்தர சந்திரசேகரன்" என்ற பதிவையும் நெகிழ்ச்சியோடு பகிர்ந்துள்ளார். இதை பார்த்த ரசிகர்கள் உங்கள் காதலும் அழகாக இருக்கிறது என்று பதிவுகள் வெளியீட்டு இருவருக்கும் வாழ்த்து சொல்லி வருகிறார்கள்.