சினிமா லவ்வர்ஸ் தயாராகுங்க - இந்த வாரம் 7 படங்கள் ரிலீஸ்

மைக்கேல்
ரஞ்சித் ஜெயக்கொடி இயக்கத்தில் சந்தீப் கிஷன், விஜய் சேதுபதி, கௌதம் மேனன் உள்ளிட்டோர் நடிப்பில் உருவாகியுள்ள இந்தப் படத்தின் டிரெய்லர் சமீபத்தில் வெளியாகி படத்தின் மீதான எதிர்பார்ப்பை அதிகரித்துள்ளது. இந்தப் படம் வருகிற பிப்ரவரி 3 ஆம் தேதி திரையரங்குகளில் வெளியாகவுள்ளது.

தி கிரேட் இந்தியன் கிச்சன்
இது மலையாளத்தில் கடந்த வருடம் வெளியாகி பரபரப்பை ஏற்படுத்திய தி கிரேட் இந்தியன் கிச்சன் படத்தின் தமிழ் ரீமேக். கண்ணன் இயக்கியுள்ள இந்தப் படத்தில் ஐஸ்வர்யா ராஜேஷ் முதன்மை வேடத்தில் நடித்துள்ளார். குடும்பம் என்ற பெயரில் பெண்கள் ஆண்களுக்கு அடிமையாக இருக்கும் அவல நிலையை இந்தப் படம் பதிவு செய்துள்ளது.

ரன் பேபி ரன்
ஆர்.ஜே.பாலஜி மற்றும் ஐஸ்வர்யா ராஜேஷ் நடிப்பில் வெளியாகவுள்ள படம் 'ரன் பேபி ரன்'. காமெடி படங்களில் நடித்து வந்த ஆர்ஜே பாலாஜி, முதன்முறையாக திரில்லர் படத்தில் நடித்திருக்கிறார். இந்தப் படத்தை அறிமுக இயக்குநர் ஜியென் கிருஷ்ணகுமார் இயக்கியுள்ளார். இந்தப் படம் வருகிற பிப்ரவரி 3 ஆம் தேதி வெளியாகவுள்ளது.

தலைக்கூத்தல் லென்ஸ் படத்தின் மூலம் கவனம் ஈர்த்த ஜெயபிரகாஷ் ராதாகிருஷ்ணன் இந்தப் படத்தை இயக்கியுள்ளார். சமுத்திரக்கனி மற்றும் கதிர் இந்தப் படத்தில் முக்கிய வேடங்களில் நடித்துள்ளனர். இந்தப் படம் வருகிற பிப்ரவரி 3 ஆம் தேதி வெளியாகவுள்ளது.

பொம்மை நாயகி
பா.ரஞ்சித் தனது நீலம் புரொடக்சன்ஸ் சார்பாக தயாரித்துள்ள இந்தப் படத்தில் யோகி பாபு முதன்மை வேடத்தில் நடித்துள்ளார். ஷான் இந்தப் படத்தை இயக்கியுள்ளார். இப்படமும் வருகிற பிப்ரவரி 3 ஆம் தேதி வெளியாகிறது.

குற்றப்பின்னணி
ராட்சசன் படத்தில் வில்லனாக நடித்து மிரட்டிய சரவணன் நாயகனாக நடித்துள்ள படம் குற்றப் பின்னணி. என்.பி.இஸ்மாயில் இயக்கியுள்ள இன்தப் படத்தில் தீபாளி, தாட்சாயினி, சிவா உள்ளிட்டோர் முக்கிய வேடங்களில் நடித்துள்ளனர்.

நான் கடவுள் இல்லை
பிரபல இயக்குநர் எஸ்.ஏ.சந்திரசேகர் நீண்ட இடைவேளைக்கு பிறகு இயக்கியுள்ள இந்தப் படத்தில் சமுத்திரக்கனி, சாக்ஷி அகர்வால், சரவணன் உள்ளிட்டோர் முக்கிய வேடங்களில் நடித்துள்ளனர். இந்தப் படமும் வருகிற பிப்ரவரி 3 ஆம் தேதி வெளியாகிறது.