காதலர் தின ஸ்பெஷலாக ஓடிடியில் வெளியாகும் படங்கள், வெப் சீரிஸ்களின் லிஸ்ட் - ஆரம்பிக்கலாங்களா?

ஏ கேர்ள் அண்ட் ஆன் ஆஸ்ட்ரோநட் (A Girl and an Astronaut)
ஒரு விண்வெளி வீரர் 30 ஆண்டுகளுக்குப் பிறகு பூமிக்குத் திரும்புகிறார், அவருக்கு ஏன் வயதாகவில்லை என்பதை நிறுவனம் ஒன்று ஆர்வம் காட்டுகிறது. அதன் பின் நடப்பனவற்றை சுவாரசியமாக பதிவு செய்திருக்கிறது இந்த வெப் சீரிஸ். இது வருகிற 17 ஆம் தேதி நெட்ஃபிளிக்ஸ் ஓடிடி தளத்தில் வெளியாகிறது.

ஏ சன்டே அஃபேர் (A Sunday Affair)
நண்பர்களான Uche மற்றும் Toyin ஒரே ஆணை காதலிக்கிறார்கள். அதன் பின்னர் இருவருக்குள்ள ஏற்படும் சிக்கலை அவர்கள் எப்படி சமாளித்தார்கள் என்பதே இதன் கதை. இந்தப் படமானது வருகிற பிப்ரவரி 14 ஆம் தேதி காதலர் தினத்தை முன்னிட்டு வெளியாகிறது.

ஆஃப்ரிகன் குயீன்ஸ்: Njinga (African Queens:Njinga )
பிரபலமான மற்றும் நன்கு அறியப்பட்ட ஆப்பிரிக்க ராணிகளின் வாழ்க்கையைப் பற்றிய புதிய ஆவணத் தொடர். நிர்வாக தயாரிப்பாளராக ஜடா பிங்கெட் ஸ்மித் உள்ளார். நாட்டின் முதல் பெண் ஆட்சியாளரான Njinga, இராணுவத் திறனை அரசியல் மற்றும் இராஜதந்திர அறிவாற்றலுடன் இணைத்து, எப்படி ஆட்சி செய்தார் என்பது விரிவாக விளக்குகிறது. இது வருகிற பிப்ரவரி 5 ஆம் தேதி நெட்ஃபிளிக்ஸில் வெளியாகிறது.

ஆல் தி பிளேசஸ் (All the Places)
இன்ட்ரோவெர்ட்டான வயலட் மார்கெட் யூகிக்க முடியாத மனிதரான தியோடர் ஃபிஞ்சை சந்திக்கிறார். அதன் பின் இருவருக்குள்ளும் நிகழும் மாற்றங்களை சுவாரசியமாக பதிவு செய்திருக்கிறது. இந்தப் படம் வருகிற பிப்ரவரி 14 ஆம் தேதி நெட்ஃபிளிக்ஸில் வெளியாகிறது.

சர்கஸ் (Cirkus)
 இயல்பு மற்றும் வளர்ப்பு கோட்பாட்டைச் சோதிப்பதற்காக, டாக்டர் ராய் ஜம்னாதாஸ், அவர் மேற்பார்வையில் இயங்கும் ஆதரவற்றோர் இல்லத்திலிருக்கும் ஒரே மாதிரியான இரட்டைக் குழந்தைகளைப் பிரித்து இரண்டு வெவ்வேறு நகரங்களில் உள்ள இரண்டு வெவ்வேறு குடும்பங்களுக்கு தத்து கொடுக்கிறார். வளர்ந்து இருவரும் சந்தித்துக்கொள்ளும்போது ஏற்படும் நிகழ்வுகளை நகைச்சுவையாக பதிவு செய்திருக்கிறது இந்தப் படம். ரன்வீர் சிங், பூஜா ஹெக்டே நடித்திருக்கும் இந்தப் படம் வருகிற 17 ஆம் தேதி நெட்ஃபிளிக்ஸில் வெளியாகிறது.

கம்யூனிட்டி ஸ்குவாட் (Community Squad)
காவல்துறையின் தரத்தை மேம்படுத்த உருவாக்கப்பட்ட ரோந்துப் படை, விசித்திரமான குற்றவாளிகளை பிடிக்க தங்கள் உயிரைப் பணயம் வைக்கிறார்கள் என்ற கதைக்களத்துடன் உருவாகியுள்ள இந்த வெப் சீரிஸ் வருகிற 17 ஆம் தேதி நெட்ஃபிளிக்ஸில் வெளியாகிறது.

எவா லாஸ்டிங் (Eva Lasting)
1970 களில் ஒரு மர்மமான டீன் ஏஜ் பெண் கொலம்பியாவில் ஆண்கள் படிக்கும் பள்ளிக்கு வந்து அப்பள்ளியின் விதிகளை உடைக்கிறார். அதனால் ஏற்படும் விளைவுகளை இந்த வெப் சீரிஸின் கதை. இது வருகிற 15 ஆம் தேதி நெட்ஃபிளிக்ஸில் வெளியாகிறது.

ஃபுல் ஸ்விங் (Full Swing)
இந்த ஆவணப்படத் தொடர் பல்வேறு தொழில்முறை கோல்ப் வீரர்களின் குழு பற்றியும் அவர்களின் பின்னணி பற்றியும் விளக்குகிறது. இந்தத் தொடரானது வருகிற பிப்ரவரி 15 ஆம் தேதி நெட்ஃபிளிக்ஸில் வெளியாகிறது.

இன் லவ் ஆல் ஓவ ர் அகைன் (In Love All Over Again)
வழக்கமான ஊடலும் கூடலும் கதை தான். ஐரீனும், ஜூலியோவும் காதலித்து பிரிந்து, மீண்டும் காதலில் இணைய முயற்சிக்கின்றனர். அவர்களது முயற்சி மகிழ்ச்சியான முடிவை நோக்கி கொண்டு செல்லுமா என்பதுதான் இதன் கதை. வருகிற காதலர் தினத்தை முன்னிட்டு பிப்ரவரி 14 ஆம் தேதி நெட்ஃபிளிக்ஸில் வெளியாகிறது.

ஜே - ஹோப் இன் த பாக்ஸ் (j-hope IN THE BOX)
பாடகர்கள் பாடல் பாடும் விதம், பாடல் உருவாகும் விதம் ஆகியவற்றைப் பற்றி பேசும் ஆவணப் படம். இது வருகிற 17 ஆம் தேதி டிஸ்னி பிளஸ் ஹாட்ஸ்டாரில் வெளியாகிறது.

லாஸ்ட் (Lost)
கிரைம் ரிப்போர்டரான விதி, காணாமல் போன கல்லூரி மாணவரை கண்டுபிடிக்க முயற்சிக்கிறார். அந்த முயற்சியில் துரோகம், காதல், அரசியல் போன்ற சிக்கலான விஷயங்களை எதிர்கொள்ள நேர்கிறது. இந்தத் தொடர் ஜீ5 ஓடிடி தளத்தில் 16 ஆம் தேதி வெளியாகிறது.

பெர்ஃபெக்ட் மேட்ச் (Perfect Match)
தம்பதிகள் தங்கள் பொறுத்தமானவர்களா என்பதை நிருபிக்க டேட்டிங் போட்டியில் பங்கேற்கிறார்கள் என்ற சுவாரசிய லைனை அடிப்படையாகக் கொண்டு இந்த வெப் சீரிஸ் உருவாகியுள்ளது. இந்த வெப் சீரிஸ் வருகிற பிப்ரவரி 4 நெட்ஃபிளிக்ஸில் வெளியாகியுள்ளது.

ரி/மெம்பர்  (Re/Member)
ஆறு உயர்நிலைப் பள்ளி மாணவர்கள் டைம் லூப்பில் மாட்டிக்கொள்கிறார்கள். அவர்கள் அடுத்த நாளை காண அவர்களின் சிக்கலான முயற்சியே இந்தப் படத்தின் கதை. இந்த படம் வருகிற 14 ஆம் தேதி நெட்ஃபிளிக்ஸில் வெளியாகிறது.

ரெட் ரோஸ் (Red Rose)
இளம் வயதினரின் கொடிய விளைவுகளை ஏற்படக் கூடிய ஆப் ஒன்றை பதிவிறக்கம் செய்கிறார்கள். அவர்களுக்கு ஆபத்தான கோரிக்கைகள் வருகின்றன. அதிலிருந்த அந்த இளைஞர்கள் எப்படி தப்பித்தார்கள் என்பதே இந்த சீரிஸின் கதை. இது பிப்ரவரி 14 ஆம் தேதி நெட்ஃபிளிக்ஸில் வெளியாகிறது.

சதா நன்னு நடிப்பே (Sadha Nannu Nadipe)
விரைவில் இறந்துபோகும் இளம்பெண்ணுக்கும் திருடனுக்குமான காதல் கதை. இது வருகிற பிப்ரவரி 16 ஆம் தேதி டிஸ்னி பிளஸ் ஹாட்ஸ்டாரில் வெளியாகிறது.

தி நைட் மேனேஜர் (The Night Manager)
ஆயுத வியாபாரியான அனில் கபூருக்கும் நைட் மேனேஜேர் ஆதித்யா ராய் கபூருக்குமான பழிவாங்கல் கதை. இந்தத் தொடர் வருகிற 17 ஆம் தேதி டிஸ்னி பிளஸ் ஹாட்ஸ்டாரில் வெளியாகிறது.

த ரொமான்டிக்ஸ் (The Romantics)
இந்த ஆவணப் படமானது பாலிவுட் இயக்குநர் யஷ் சோப்ராவின் வாழ்க்கையைப் பேசுகிறது. இது வருகிற பிப்ரவரி 14 ஆம் தேதி நெட்ஃபிளிக்ஸில் வருகிறது.