நடிகை மஞ்சு வாரியர் உயிருக்கு ஆபத்து - பிரபல இயக்குனர் பகீர் பதிவு

கேரளாவில், பிரபல நடிகர் திலீப், பாலியல் புகாரில் சிக்கியுள்ளார். அவருடைய முன்னாள் மனைவியான, பிரபல நடிகை மஞ்சு வாரியரிடமும் இது தொடர்பாக விசாரணை நடந்துள்ளது.

இந்நிலையில் பிரபல மலையாள இயக்குநர், சனல்குமார் சசிதரன் சமூகவலைத்தளத்தில் வெளியிட்டுள்ள பதிவில், மஞ்சு வாரியர் நான்கு நாட்களாக தன் கருத்துக்கு பதில் தரவில்லை எனக் குறிப்பிட்டுள்ளார். அவர் கந்துவட்டிக்காரர்களின் தடுப்பு காவலில் இருப்பதாகவும், நடிகையின் உயிருக்கு ஆபத்து என்றும் சணல்குமார் அதிர்ச்சி கொடுத்துள்ளார்.

மஞ்சுவாரியரின் மவுனம் தனக்கு சந்தேகத்தை எழுப்புவதாக கூறியிருக்கும் இயக்குநர், மலையாள திரையுலகில் பாலின சமத்துவத்திற்காக செயல்படும் women in cinema collective அமைப்பிற்கு மெயில் அனுப்பியதாகவும், அவர்களும் இதில் மவுனம் காத்து வருகிறார்கள் என்றும் குறிப்பிட்டிருக்கிறார்.

இதனை சமூக வலைத்தளங்களில் தான் கூறும்போது, பலரும் மிகத்தீவிரமான பிரச்னையை நகைச்சுவையாக பார்க்க முயற்சிக்கிறார்கள் என்றும் இயக்குநர் தெரிவித்திருக்கிறார். சனல்குமார் சசிதரனின் இந்த பதிவு மலையாள திரையுலகில் பெரும் அதிர்ச்சியை ஏற்படுத்தியுள்ளது.