விவாகரத்தான பிரபல பாலிவுட் நடிகருடன் கைகோர்த்துச் செல்லும் தமிழ் நடிகை! வைரலாகும் படங்கள்!

விவாகரத்தான பாலிவுட் நடிகருடன் தமிழ் நடிகை வெளியிடத்திற்கு சென்ற படங்கள் இணையத்தில் வைரலாகி வருகின்றன.

பாலிவுட் நடிகர் இம்ரான் கான் தமிழ் நடிகை லேகா வாஷிங்டன்னுடன் கைகோர்த்துச் செல்லும் புகைப்படங்கள் வெளியாகி டேட்டிங் தீயை பற்ற வைத்துள்ளது.

மாத்ரு கி பிஜிலீ கா மண்டோலா என்ற இந்தி படத்தில் இவர்கள் இணைந்து பணிபுரிந்துள்ளனர். இப்படம் 2013-ல் வெளியானது.

இம்ரான் அவந்திகா மாலிக் என்பவரை கடந்த 2011-ல் திருமணம் செய்து, 2019-ல் விவாகரத்து பெற்றார். இவர்களுக்கு ஒரு பெண் குழந்தை உள்ளது.

பப்லூ சாட்டர்ஜி என்பவருடன் லிவ்-இன் ரிலேஷன்ஷிப்பில் இருப்பதாக கடந்த 2017-ல் அறிவித்தார் லேகா.

திருமணத்துக்கு என சில தனிப்பட்ட நடைமுறைகள் இருப்பதாகவும், தனக்கு அது வேண்டாம் எனவும் அப்போது தெரிவித்திருந்தார்.

இந்நிலையில் இம்ரான் கானும், லேகா வாஷிங்டன்னும் ஒன்றாக செல்லும் படங்கள் வெளியாகி, அவர்கள் ரிலேஷன்ஷிப்பில் இருக்கிறார்களோ என்ற சந்தேகத்தை கிளப்பியுள்ளது.

ஜெயம்கொண்டான் படத்தில் வினய்யின் தங்கையாக நடித்து அறியப்பட்ட லேகா, வா, கல்யாண சமையல் சாதம் ஆகியப் படங்களில் ஹீரோயினாக நடித்திருப்பது குறிப்பிடத்தக்கது.