இந்தியாவில் மட்டும் ரூ. 1,000 கோடி வசூலை குவித்த கே.ஜி.எஃப். 2… பல மாநிலங்களில் தொடர்கிறது கலெக்சன்…

கே.ஜி.எஃப். 2 திரைப்படம் இந்தியாவில் மட்டும் ரூ. 1,000 கோடியை வசூலித்திருப்பதாக தகவல்கள் தெரிவிக்கின்றன. ஒட்டுமொத்த அளவில் படத்தின் வசூல் ரூ. 1,800-யை நெருங்கியுள்ளது.

2018ம் ஆண்டு இறுதியில் வெளியான கே.ஜி.எஃப் திரைப்படம் எந்த எதிர்பார்ப்பும் இல்லாமல் சென்ற ரசிகர்களை முழு திருப்தி அடையச் செய்தது.

இதுநாள் வரையில் வெளிவந்த சிறந்த டான் படங்களில் ஒன்றாக கேஜிஎஃப் படம் கொண்டாடப்பட்டது.

படத்தின் முடிவில் அடுத்த பாகத்திற்கான தொடக்கம் குறித்த காட்சி இடம் பெற்றதால் பார்ட் 2 குறித்த எதிர்பார்ப்பு ரசிகர்கள் மத்தியில் அதிகம் காணப்பட்டது.

இதற்கிடையே, கொரோனா காரணமாக படத்தின் வெளியீடு 2021 ஜூலை மற்றும் 2022 ஜனவரி மாதம் ஒத்திவைக்கப்பட்டு பின்னர் கடைசியாக 2021 ஏப்ரல் 13-ம்தேதி வெளியிடப்பட்டு ரசிகர்களின் பெரும் வரவேற்பை பெற்றது.

இந்நிலையில் கே.ஜி.எஃப். 2 திரைப்படம் இந்தியாவில் மட்டும் ரூ. 1,000 கோடியை வசூலித்துள்ளது.

இன்னும் பல மாநிலங்களில் கே.ஜி.எஃப். 2 திரைப்படம் வெற்றிகரமாக ஓடிக் கொண்டிருப்பதால் ஒட்டுமொத்த வசூல் அதிகபட்சமாக ரூ. 1,400 கோடி வரை வரலாம் என மதிப்பிடப்பட்டுள்ளது.

கே.ஜி.எஃப். 3 படத்தின் மீதான எதிர்பார்ப்பு அதிகரித்துள்ள நிலையில் அக்டோபர் மாதம் இந்த படத்தின் ஷூட்டிங் ஆரம்பிக்கவுள்ளது.  2024-ல் கே.ஜி.எஃப். 3 திரைப்படம் திரைக்கு வரும் என்று எதிர்பார்க்கப்படுகிறது.