நடிகை கீர்த்தி சுரேஷ் காதலிக்கிறாரா.. விரைவில் திருமணமா?.. தாயார் கொடுத்த விளக்கம்...!

திருமணம் குறித்த வதந்திக்கு விளக்கமளித்துள்ளார் நடிகை கீர்த்தி சுரேஷின் தாயார் மேனகா சுரேஷ்.

 நடிகை கீர்த்தி சுரேஷ் திருமணம் செய்துக் கொள்ளப் போவதாக சில தினங்களுக்கு முன்பு சமூக வலைதளங்களில் தகவல்கள் பரவின.

அதில் அவர், தனது பள்ளி நண்பரை காதலிப்பதாகவும், இரு வீட்டாரும் அதற்கு சம்மதம் தெரிவித்திருப்பதாகவும் குறிப்பிடப்பட்டிருந்தது.

அதோடு அடுத்த வருடம் அவர்களுக்கு திருமணம் நடக்கும் எனவும் கூறப்பட்டது.

தற்போது இதனை கீர்த்தியின் அம்மா மேனகா மறுத்துள்ளார்.

கீர்த்தியின் திருமணம் குறித்த செய்தி பொய்யானது. பரபரப்புக்காக இதை செய்கிறார்கள்.

இது தொடர்பாக பேச வேறு எதுவும் இல்லை என்று தெரிவித்திருக்கிறார்.

பலமுறை இப்படி கீர்த்தி சுரேஷின் திருமணம் குறித்த வதந்திகள்  பரவியுள்ளன. 

 தற்போது மாமன்னன், தசரா ஆகிய படங்களில் கீர்த்தி சுரேஷ் நடித்து முடித்திருப்பது குறிப்பிடத்தக்கது.