சியான் 60 படக்குழுவினருடன் பிறந்தநாள் கொண்டாடிய கார்த்திக் சுப்புராஜ்

சியான் 60 படக்குழுவினருடன் கேக் வெட்டி பிறந்தநாள் கொண்டாடியுள்ளார் இயக்குநர் கார்த்திக் சுப்புராஜ்.

தமிழ் சினிமாவில் முன்னணி இயக்குநராக வலம் வரும் கார்த்திக் சுப்புராஜூக்கு நேற்று பிறந்தநாள் என்பதால் தனுஷ் உள்ளிட்ட திரைபிரபலங்கள் பலரும் அவருக்கு வாழ்த்து தெரிவித்தனர்.

ஜகமே தந்திரம் படத்தை அடுத்து தற்போது விக்ரம் - துருவ் விக்ரம் நடிக்கும் சியான் 60 படத்தை இயக்கி வருகிறார் கார்த்திக் சுப்புராஜ். தற்போது இந்தப் படத்தின் ஷூட்டிங் நடைபெற்று வரும் நிலையில் படக்குழுவினர் உடன் இணைந்து கேக் வெட்டி பிறந்தநாள் கொண்டாடியுள்ளார் கார்த்திக் சுப்புராஜ்.

7 ஸ்கிரீன் ஸ்டுடியோ சார்பாக லலித்குமார் தயாரிக்கும் இந்தப் படத்துக்கு சந்தோஷ் நாராயணன் இசையமைக்கிறார். வாணி போஜன், சிம்ரன் உள்ளிட்டோரும் இந்தப் படத்தில் முக்கிய கதாபாத்திரங்களில் நடிக்கின்றனர்.