கமல் ஹாசன் நடிப்பில் உருவான ’விக்ரம்’ திரைப்படம் வெளியாகி இன்றோடு 50 நாட்களைக் கடந்துள்ளது. இயக்குநர் லோகேஷ் கனகராஜ் இயக்கத்தில் உருவாகிய ‘விக்ரம்’ திரைப்படம் கடந்த ஜூன் 3-ஆம் தேதி திரையரங்குகளில் வெளியானது. இப்படத்தில் கமல்ஹாசன், விஜய் சேதுபதி, ஃபகத் பாசில் ஆகியோர் முக்கிய வேடங்களில் நடித்துள்ளனர். இவர்களுடன் சூர்யா, அர்ஜுன் தாஸ், நரேன், காளிதாஸ் ஜெயராம் ஆகியோர் முக்கியமான துணை வேடங்களில் நடித்துள்ளனர். இப்படம் நான்கு வெவ்வேறு மொழிகளில் வெளியாகியது. இதனை முன்னிட்டு இந்தியா முழுவதும் தீவிர புரொமோஷனில் ஈடுபட்டார் கமல். படம் வெளியாகி ரசிகர்களிடமும், சினிமா ரசிகர்களிடமும் நல்ல வரவேற்பையும் விமர்சனங்களையும் பெற்றது. நீண்ட நாட்களுக்குப் பிறகு தனது படம் மாபெரும் வெற்றி பெற்றதால் மிகுந்த உற்சாகத்தில் இருக்கிறார் கமல் ஹாசன். அதோடு விக்ரம் திரைப்படம் பாக்ஸ் ஆபிஸில் பல வசூல் சாதனைகளையும் புரிந்து வருகிறது. நீண்ட நாட்களுக்குப் பிறகு கமல் நடிப்பில் வெளியான திரைப்படம் திரையரங்கில் நிறைய நாட்கள் ஓடுவது அவரது ரசிகர்களை மகிழ்ச்சியில் ஆழ்த்தியுள்ளது. பெரும் வரவேற்பைப் பெற்ற விக்ரம் திரைப்படம் வெளியாகி இன்றோடு 50 நாட்களாகிறது. இதை சமூக வலைதளங்களில் ரசிகர்கள் கொண்டாடி வருகின்றனர்.
