அஜித்தின் ஏகே 62 பட கதாநாயகி இவரா?

ஏகே 62 படத்தில் அஜித்துக்கு ஜோடியாக நடிகை காஜல் அகர்வால் நடிக்கவிருப்பதாக தகவல்கள் வெளியாகியிருக்கின்றன.

அஜித்தின் 62-வது படம் குறித்த அதிகாரப்பூர்வ அறிவிப்புக்காக காத்திருக்கிறார்கள் ரசிகர்கள்.

இதனை விக்னேஷ் சிவன் இயக்குவதாக முன்பு அறிவிக்கப்பட்டது. பின்னர் சில கிரியேட்டிவ் வேறுபாடுகள் காரணமாக அவருக்கு பதில் மகிழ் திருமேனி மாற்றப்பட்டார்.

இதில் கதாநாயகியாக நடிக்க ஆரம்பத்தில் ஐஸ்வர்யா ராய் பச்சன், நயன்தாரா மற்றும் த்ரிஷா போன்ற பெயர்கள் அடிபட்டன.

ஆனால் தற்போது ஏகே 62 படத்தில் கதாநாயகியாக காஜல் அகர்வால் நடிப்பதாகக் கூறப்படுகிறது.

சிறுத்தை சிவா இயக்கத்தில் 2017-ம் ஆண்டு வெளியாகி சூப்பர் ஹிட்டான ‘விவேகம்’ படத்தில் அஜித்தின் மனைவியாக நடித்திருந்தார் காஜல்.

கொரோனா லாக்டவுனில் திருமணம் செய்துக் கொண்ட காஜல் அகர்வால், பின்னர் ஒரு ஆண் குழந்தைக்கு தாயானார்.

அதனால் சில காலம் நடிப்புக்கு இடைவெளி விட்டிருந்தார்.

தற்போது கமல் ஹாசன் மற்றும் ஷங்கரின் இந்தியன் 2 படத்தில் நடித்து வருகிறார்.

ஏகே 62 படத்தில் காஜல் அகர்வால் இணைவது குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.