தெலுங்கில் அறிமுகமாகும் ஜான்வி கபூர்?

ஜூனியர் என்.டி.ஆர் படத்தின் மூலம் ஜான்வி கபூர் தெலுங்கில் அறிமுகமாவதாக தகவல்கள் தெரிவிக்கின்றன.

ஜான்வி கபூர் இந்தி திரையுலகில் மிகவும் பிரபலமானவர். அவரது நடிப்பு மற்றும் ஸ்கிரீன் ப்ரெசன்ஸுக்காக பெரும் ரசிகர் பட்டாளத்தைப் பெற்றுள்ளார்.

இப்போது அவர் கொரட்டாலா சிவா இயக்கும் என்டிஆர் 30 படத்தில் ஜூனியர் என்டிஆருக்கு ஜோடியாக நடிக்க ஒப்பந்தமாகியுள்ளதாக தகவல்கள் வெளியாகியிருக்கின்றன. இதன் மூலம் அவர் தெலுங்கில் அறிமுகமாவதாக தெரிகிறது.

ஜூனியர் என்டிஆர் விரைவில் என்டிஆர் 30 படத்தின் வேலைகளைத் தொடங்கவிருக்கிறார். படத்தின் லேட்டஸ்ட் அப்டேட் என்னவெனில், மறைந்த ஸ்ரீதேவியின் மூத்த மகள் ஜான்வி கபூர், இதில் ஹீரோயினாக நடிக்க இறுதி செய்யப்பட்டுள்ளாராம்.

இந்த படத்தின் பூஜை பிப்ரவரி 23-ம் தேதி நடைபெறும் என பிரபல ஆங்கில ஊடகத்தில் செய்தி வெளியாகியிருக்கிறது.

ஜான்வி கபூர் வேலையைப் பொறுத்தவரை படு பிஸியாக இருக்கிறார்.

அவர் கடைசியாக மலையாள த்ரில்லர் படமான ஹெலனின் ரீமேக்கான மிலியில் நடித்திருந்தார், ஆனால் படம் வணிக ரீதியாக தோல்வியடைந்தது.

அதோடு வருண் தவானுடன் பவால், மிஸ்டர் அண்ட் மிஸ்ஸஸ் மஹி ஆகியப் படங்களை கைவசம் வைத்துள்ளார்.