3 நாட்கள் இருள்.. திடீரென வெடித்த வெடிபொருள் - பிரபல நடிகை பகிர்ந்த அதிர்ச்சி சம்பவம்

தமிழில் தில்லு முல்லு படத்தின் மூலம் அறிமுகமானவர் இஷா தல்வார். தொடர்ந்து மீண்டும் ஒரு காதல் கதை படத்தில் நடித்தார்.

மலையாளம், ஹிந்தி மொழிகளில் திரைப்படங்களிலும் வெப் சீரிஸிலும் நடித்திருக்கிறார்.

தமிழில் கடைசியாக ஆர்.ஜே.பாலாஜியின் ரன் பேபி ரன் படத்தில் இஷா தல்வார் நடித்திருந்தார்.

இந்த நிலையில் தற்போது ஹிந்தி வெப் சீரிஸ் ஒன்றில் நடித்துவருகிறார். இதன் படப்பிடிப்பின்போது இவருக்கு காயம் ஏற்பட்டிருக்கிறது.

இதுபற்றி அவர் பேசுகையில், உப்பளத்தில் வைத்து ஆக்சன் காட்சி படமாக்கப்பட்டது. அப்போது இருட்டில் வைத்திருந்த வெடிபொருள் வெடித்ததில் எனது இடது கண்ணில் காயம் ஏற்பட்டது. வலியால் துடித்தேன்.

அப்போது மருத்துவரிடம் உடனியாக சிகிச்சைபெற்றேன். மூன்று நாட்கள் என்னால் கண்களை திறக்க முடியாமல் இருளில் இருந்தது போல உணர்ந்தேன்.

மருத்துவர்கள் உதவியால் நலமாகி வந்திருக்கிறேன் என பகிர்ந்துள்ளார்