காலா பட ஹீரோயினின் கணவர்தான் அர்ஜுனின் 'சங்கர் குரு' படத்தை இயக்கினாரா? ஆச்சரியத் தகவல்

எஸ்.பி.முத்துராமன் ஏவிஎம்மின் ஆஸ்தான் இயக்குனர் என்பது திரையுலகம் அறிந்த விஷயம். வருடத்துக்கு ஒரு படமாவது ஏவிஎம் தயாரிப்பில் இயக்குவார். 1986 இல் அவரது இயக்கத்தில் மிஸ்டர் பாரத் வெளியானது. அதே வருடம் ஏவிஎம் தயாரித்த சம்சாரம் அது மின்சாரம் பெரும் வெற்றியை பெற்றதுடன் தேசிய விருதுகளையும் அள்ளியது.

எஸ்.பி.முத்துராமன் ஏவிஎம்மின் ஆஸ்தான் இயக்குநர் என்பது திரையுலகம் அறிந்த விஷயம். வருடத்துக்கு ஒரு படமாவது ஏவிஎம் தயாரிப்பில் இயக்குவார். 1986 இல் அவரது இயக்கத்தில் மிஸ்டர் பாரத் வெளியானது. அதே வருடம் ஏவிஎம் தயாரித்த சம்சாரம் அது மின்சாரம் பெரும் வெற்றியை பெற்றதுடன் தேசிய விருதுகளையும் அள்ளியது.

இந்த வருடம் மேலும் இரு படங்களை ஏவிஎம் தயாரித்தது. ஒன்று, சிவாஜி, நதியா நடித்த அன்புள்ள அப்பா. ஏ.சி.திருலோகசந்தர் இயக்கிய அன்புள்ள அப்பா வெற்றி பெற்றது. இன்னொன்று சங்கர் குரு. மற்றப் படங்களை அனுபவமிக்க இயக்குனர்கள் இயக்க, சங்கர் குருவை இயக்கும் பொறுப்பை அறிமுக இயக்குனர் எல்.ராஜாவிடம் ஏவிஎம் அளித்தது. அதுவரை ஏவிஎம் படங்களில் நடித்திராத அர்ஜுன் நாயகனாக நடித்தது இன்னொரு முக்கியமான அம்சம்.

சங்கர் குரு எஸ்.பி.முத்துராமன், இராம.நாராயணன் கலவையாக உருவானது. ஒருபுறம் அண்டவர் கவர் காப்பாக ரவுடிகளை துவசம் செய்து கொண்டிருப்பார் இன்ஸ்பெக்டரான அர்ஜுன். வில்லன் சொந்தாமரை செய்யும் கொலையைப் பார்க்கும் பேபி ஷாலினி தனது குரங்குடன் அனாதையாக அலைந்து கொண்டிருப்பார். இறுதியில் அர்ஜுனிடம் அவர் அடைக்கலமாவார்.

பேபி ஷாலினி அனாதையாக அலைவதற்கும் செந்தாமரைதான் காரணமாக இருப்பார். இறுதியில் செந்தாமரையின் கொட்டத்தை அடக்கி, சரத்பாபுடன் பேபி ஷாலினியை ஒன்று சேர்ப்பது கதை. நடுவில் சீதா, அர்ஜுன் காதல் எபிசோடும் உண்டு.

குரங்கும், பேபி ஷாலினியும் செய்த அட்டகாசங்கள் திரையரங்குக்கு குடும்பங்களை பெருமளவு வரவழைத்தது. படமும் 100 நாள்களைத் தாண்டி ஓடி வெற்றி பெற்றது. இதனைத் தொடர்ந்து எல்.ராஜா இயக்கத்தில் அதே அர்ஜுனை வைத்து தாய் மேல் ஆணை படத்தை ஏவிஎம் தயாரித்தது. இந்தப் படமும் வெற்றி பெற்றது.

அதையடுத்து எல்.ராஜா, அர்ஜுன் காம்பினேஷனில் ஏவிஎம் தயாரித்த சொந்தக்காரனும் வசூல்ரீதியாக வெற்றி பெற்றது. எல்.ராஜா கார்த்திக்கை வைத்து காளிச்சரண், ரகுவரனை வைத்து குற்றவாளி, தூள் பறக்குது போன்ற படங்களையும் எடுத்தார். ஆனால், அவை எதிர்பார்த்த வெற்றியை தரவில்லை. மொத்தம் 9 படங்களுடன் எல்.ராஜா திரையுலகிலிருந்து வெளியேறினார். இதில் ஆறு படங்கள் அர்ஜுன் நடித்தவை.

எல்.ராஜா ராஜசேகரின் உதவி இயக்குனர். 1986 இல் அவர் விக்ரம் படத்தை இயக்கிய போது, அதில் உதவி இயக்குனராக வேலை பார்த்த எல்.ராஜா ஒரு சின்ன வேடத்தில் நடித்தார். இயக்குனரான பிறகு அவர் நடிக்கவில்லை.

2008 இல் முனியாண்டி விலங்கியல் மூன்றாமாண்டு படத்தில் சின்ன வேடத்தில் நடித்தார். அதனைத் தொடர்ந்து நாடோடிகள் படத்தில் சசிகுமாரின் அப்பாவாக நடித்தார். தொடர்ந்து சினிமா, சீரியல்களில் நடித்தவர், தெலுங்கில் இரு சீரியல்களை இயக்கவும் செய்தார்.

1987 இல் சங்கர் குரு என்ற பம்பர்ஹிட் படத்துடன் இயக்குனராகி தொடர்ந்து மூன்று ஹிட்கள் கொடுத்தவர் ஒன்பது படங்களுடன் பீல்ட் அவுட்டானது ஏமாற்றமே. இவர் 2005 இல் தெலுங்கு நடிகை ஈஸ்வரிராவை திருமணம் செய்து கொண்டார். காலாவில் ரஜினியின் மனைவியாக வரும் அதே ஈஸ்வரிராவ்தான்.

1987 மார்ச் 19 வெளியான சங்கர் குரு நேற்று தனது 37 வது வருடத்தை நிறைவு செய்தது.