Varisu: வாரிசு போஸ்டரில் விஜய் அமர்ந்திருக்கும் பைக் குறித்த சுவாரஸ்ய தகவல்

நடிகர் விஜய் ஜூன் 22-ம் தேதி தனது 48-வது பிறந்தநாளைக் கொண்டாடினார். ‘பீஸ்ட்’ படத்திற்குப் பிறகு, இயக்குனர் வம்ஷி பைடிப்பள்ளியுடன் தனது அடுத்தப் படத்தில் பணிபுரிந்து வருகிறார். இந்தப் படத்திற்கு தற்காலிகமாக ‘தளபதி 66’ என்று பெயரிடப்பட்டது.

விஜய்யின் பிறந்தநாளை முன்னிட்டு தளபதி 66 படத்தின் டைட்டில் மற்றும் மூன்று வெவ்வேறு தோற்றங்கள் கொண்ட போஸ்டர்களை வெளியிட்டனர் படக்குழுவினர்.

2023 பொங்கலுக்கு தமிழ் மற்றும் தெலுங்கில் வெளியாகும் இப்படத்திற்கு ‘வாரிசு’ என்று பெயரிடப்பட்டுள்ளது.

இப்படத்தில் விஜய்யுடன் இணைந்து, ராஷ்மிகா மந்தனா, பிரகாஷ் ராஜ், பிரபு, சரத்குமார், ஸ்ரீகாந்த், ஷாம், சங்கீதா கிரிஷ் மற்றும் சம்யுக்தா ஆகியோர் நடித்துள்ளனர். படத்திற்கு இசை தமன்.

படக்குழுவினர் வெளியிட்ட மூன்று போஸ்டர்களும் ரசிகர்களிடம் நல்ல வரவேற்பை பெற்றது.

முதல் போஸ்டரில் விஜய் ஒரு வெள்ளை கட்டிட பின்னணியில் ஃபார்மல் கிரே உடையில் இருந்தார். இரண்டாவது போஸ்டரில் சில குழந்தைகளுடன் திரையைப் பகிர்ந்து கொண்டார்.

மூன்றாவது போஸ்டரில் விஜய் பைக்கில் இருந்தார். இந்த போஸ்டரை ஆராய்ந்ததில், அவர் பயன்படுத்திய அந்த பைக் ஒரு அட்வென்சர் ஸ்போர்ட்ஸ் பைக் என்று ரசிகர்கள் கண்டறிந்தனர்.

இந்த போஸ்டர் சமூக வலைதளங்களில் வைரலானது. விஜய் ரசிகர்களின் இந்த பைக் குறித்த விவாதம் சமூக வலைதளங்களில் ஹாட் டாபிக் ஆனது. அதன் எக்ஸ்ஷோரூம் விலை ரூ.2,20,000 எனக் கூறப்படுகிறது.

படத்தில் விஜய் இந்த பைக்கைப் பயன்படுத்தும் இரண்டு காட்சிகள் இருப்பதாகவும், இந்த பைக் படத்தில் ஒரு தனி இடத்தைப் பிடித்திருப்பதாகவும், விஜய் பைக் ஸ்டண்ட் செய்வதைப் பார்க்க ரசிகர்கள் ஆர்வத்துடன் காத்திருப்பதாகவும் தகவல்கள் தெரிவிக்கின்றன.

இதனால் உற்சாகத்துடன் கூடிய எதிர்பார்ப்பில் இருக்கிறார்கள் ரசிகர்கள்.