பிரபல நடிகையின் அண்ணனை காதலிக்கும் இலியானா...

பாலிவுட் நடிகை கத்ரீனா கைஃபின் அண்ணனை நடிகை இலியானா காதலிப்பதாக தகவல்கள் வெளியாகியிருக்கின்றன.

மாலத்தீவில் நடந்த நடிகை கத்ரீனா கைப்பின் 39-வது பிறந்தநாள் கொண்டாட்டத்தின் புகைப்படங்களை நடிகை இலியானா டி குரூஸ் இன்ஸ்டகிராமில் பகிர்ந்துக் கொண்டார்.

அந்தப் படத்தில் பர்த்டே கேர்ள் காத்ரீனாவுடன் போஸ் கொடுத்தார் இலியானா. மேலும் அந்தப் படத்தில் விக்கி கௌஷல், ஆனந்த் திவாரி, மினி மாத்தூர், இசபெல்லா கைஃப் மற்றும் செபாஸ்டியன் லாரன்ட் மைக்கேல் ஆகியோர் இடம்பெற்றுள்ளனர்.

கத்ரீனாவும், இலியானாவும் எப்போது இந்தளவு நெருங்கிய தோழிகளானார்கள் என அந்தப் படத்தைப் பார்த்த பலரையும் வியக்க வைத்தது. அதற்கு பதில் கத்ரீனாவின் சகோதரர், மாடல் செபாஸ்டியன் லாரன்ட் மைக்கேல் தான்.

ஆம், இலியானா டி குரூஸ் கத்ரீனாவின் சகோதரர் செபாஸ்டியனை காதலித்து வருவதால் தான் இந்த நெருக்கமாம்.

தகவல்களின்படி, இலியானாவும் செபாஸ்டியனும் ஆறு மாதங்களாக காதலித்து வருவதாக கூறப்படுகிறது.

அவர்கள் அடிக்கடி பாந்த்ராவில் உள்ள கத்ரீனா கைப்பின் பழைய வீட்டில் ஒன்றாக நேரத்தை செலவிடுகிறார்களாம்.

அதோடு அதே பாந்த்ராவில் உள்ள இலியானாவின் இல்லத்திலும், லண்டனிலும் கூட நேரத்தை செலவிடுகிறார்களாம்.

இலியானா ஆஸ்திரேலிய புகைப்படக் கலைஞர் ஆண்ட்ரூ நீபோனுடன் சில வருடங்களாக உறவில் இருந்தார்.

அவர்களின் புகைப்படங்களை ரசிகர்கள் விரும்பி பார்த்தனர். ஆனால், இருவரும் பிரிந்தனர்.

இலியானா தாங்கள் இருவரும் பிரிந்ததை உறுதி செய்தாலும், ஏன் பிரிந்தார்கள் என்பது குறித்து வாய் திறக்கவில்லை.