தோனி தயாரிப்பில் நடிக்கும் பிரபல தமிழ் ஹீரோ - குஷியில் ரசிகர்கள்

கிரிக்கெட் வீரர் எம்.எஸ்.தோனி பல பெருமைகளுக்கு சொந்தக்காரர். எளிய குடும்ப பின்னணியில் இருந்து வந்து இந்திய கிரிக்கெட் அணியின் கேப்டனாக உயர்ந்து 20 மற்றும் 50 ஓவர் உலகக் கோப்பைகளை வென்று சாதித்துக்காட்டினார். பல இளைஞர்களுக்கு முன்மாதிரியாக திகழ்கிறார்.

இவரது வாழ்க்கை வரலாறு எம்.எஸ்.தோனி தி அன்டோல்டு ஸ்டோரி என்ற பெயரில் வெளியாகி நாடு முழுவதும் நல்ல வரவேற்பை பெற்றது. ஐபிஎல்லில் சென்னை சூப்பர் கிங்ஸ் அணிக்காக விளையாடிவரும் தோனி, தமிழ் மக்களின் அன்பை பெற்றிருக்கிறார்.

இந்த நிலையில் தோனி எண்டர்டெயின்மென்ட் சார்பில் படங்களைத் தயாரிக்க அவர் திட்டமிட்டிருக்கிறார்.  தமிழில் தோனி தயாரிக்கும் முதல் படத்தை ரமேஷ் தமிழ்மணி என்பவர் இயக்குகிறார். இவர் தோனியை ஹீரோவாக வைத்து 'அதர்வா தி ஆர்ஜின்' என்ற கிராஃபிக் நாவலை தயாரித்தவர். தோனியின் மனைவி சாக்ஷி சொன்ன ஒன் லைனை அடிப்படையாகக் கொண்டு இந்தப் படம் உருவாகவிருப்பதாக கூறப்படுகிறது.

இந்த நிலையில் இந்தப் படத்தில் ஹரிஷ் கல்யாண் ஹீரோவாக நடிக்கவிருப்பதாக தகவல் வெளியாகியுள்ளது. இதற்கான படப்பிடிப்பு வருகிற 23 ஆம் தேதி துவங்கவிருப்பதாக கூறப்படுகிறது.

கடந்த சில மாதங்களுக்கு முன் விளம்பரப் படத்தின் படப்பிடிப்புக்காக சென்னை வந்த தோனி, பீஸ்ட் படப்பிடிப்பு தளத்தில் நடிகர் விஜய்யை சந்தித்தார். அப்போது தன் தயாரிப்பில் நடிப்பதற்காக விஜய்யிடம் பேச்சுவார்த்தை நடத்தியதாக தகவல் வெளியானது குறிப்பிடத்தக்கது.