சின்னத்திரை டூ வெள்ளித்திரை.. ரியல் நாயகி பார்வதி பிறந்தநாள்!

கேரள மாநிலத்தில் கோழிக்கோட்டில் 1988ஆம் ஆண்டு பிறந்த பார்வதி. பள்ளி காலத்தில் திருவனந்தபுரத்திற்கு இவரது குடும்பம் குடிபெயர்ந்தது. பள்ளி படிப்பிற்கு பிறகு பி.ஏ. ஆங்கிலம் படித்துள்ளார்.

முதன்முதலில் தன் திரைப் பயணத்தை சின்னத்திரையில் டிவி தொகுப்பாளினியாக  தொடங்கினார்

2006ஆம் ஆண்டு ‘அவுட் ஆஃப் சிலபஸ்’ எனும் மலையாளத் திரைப்படத்தின் மூலம் வெள்ளித்திரையில் அறிமுகமானார்.பின்னர் இயக்குநர் சசியின் பூ படம் மூலம் தமிழில் முதல்முறையாக அறிமுகம் ஆனவர் பார்வதி மேனன்.

முதல் திரைப்படத்திலேயே தமிழின் சிறந்த நடிகைக்கான பிலிம்பேர் விருதினைப் பெற்றுள்ளார். அதோடு விஜய் டிவியின் புதுமுக நடிகைக்கான விருதையும் இவர் பெற்றுள்ளார்.

தன்னை பார்வதி திருவோத்து என்று தான் அழைக்க வேண்டும் என கூறியிருந்தார். அது சாதி பெயர் என்பதால் அதனை மாற்றியதாக காரணம் விளக்கம் தெரிவித்திருந்தார்.

மரியான், அதனைத் தொடர்ந்து பெங்களூர் டேஸ், என்னு நிண்டே மொய்தீன், சார்லி, உயரே, கூடே, வைரஸ், கரிப் கரிப் சிங்கிள், சிவரஞ்சனியும் இன்னும் சில பெண்களும் என நாயகிக்கு முக்கியத்துவம் உள்ள பல கதாபாத்திரங்களையும் அனைத்து மொழிகளிலும் தன் 17 ஆண்டுகால திரைப்பயணத்தில் பார்வதி நடித்துள்ளார்.

திரைப்படங்களில் பெண்களின் கதாபாத்திரங்கள் போதிய முக்கியத்துவம் அளித்து எழுதப்படுவதில்லை என தொடர்ந்து விமர்சித்து வருகிறார்.

இந்நிலையில் மலையாள சினிமாவில் பெண்களுக்காகத் தொடங்கப்பட்ட அமைப்பான விமன் இன் சினிமா கலெட்க்டிவ்வின் நிறுவனர்களில் ஒருவர். இந்த அமைப்பு தொடர்ந்து மலையாள சினிமாவில் இயங்கும் பெண்களுக்காக குரல் கொடுத்து வருகிறது.

இப்படி பெண்களுக்காகவும், சமூக ஒற்றுமைக்காகவும் குரல் கொடுத்து பிரபல நடிகையாக வலம் வரும் பார்வதிக்கு பிறந்தநாள் வாழ்த்துகள்..