உடல் வளர்ச்சிக்கு ஹார்மோன் ஊசி போட்டேனா? - உண்மையை உடைத்த நடிகை ஹன்சிகா!

நடிகை ஹன்சிகா மோத்வானி சமீபத்தில் தனது வளர்ச்சியை அதிகபடுத்துவதற்காக குழந்தை பருவத்தில் தன் தாயார் ஹார்மோன் ஊசி போட்டதாக பரவும்  வதந்திகளுக்கு பதிலளித்தார்.

தமிழ், தெலுங்கில் முன்னணி நடிகையான ஹன்சிகா 50க்கும் மேற்பட்ட படங்களில் ஹீரோயினாக நடித்து ரசிகர்களிடையே தனக்கென தனி அடையாளத்தைக் கொண்டிருக்கிறார்.

நடிகை ஹன்சிகாவின் நடிப்பு வாழ்க்கை, 2004ஆம் ஆண்டில் ஷாகா லகா பூம் பூம் மற்றும் டெஸ் மெய்ன் நிக்லா ஹோகா சந்த் போன்ற தொலைக்காட்சி நிகழ்ச்சிகளில் குழந்தை நட்சத்திரமாகவே தொடங்கியது.

ஹன்சிகா, 2007ஆம் ஆண்டில் வெளியான ஹிமேஷ் ரேஷம்மியாவுடன் ஆப் கா சுரூர் படத்திலும் நடித்தார்.

அபோது, அவர் தனது உண்மையான வயதை விட, விரைவாக சற்று முதிர்ச்சியாக காண ஹார்மோன் ஊசிகளை எடுத்துக்கொண்டார் என்ற வதந்திகள் அதிகம் பரவியது.

குழந்தை நட்சத்திரமாக அறிமுகமான சில ஆண்டுகளிலேயே அவர் ஹீரோயினாக அறிமுகமானதால் அவர் அதிவேகமாக வளர்வதற்காக ஹன்சிகாவின் தாயார் அவருக்கு ஹார்மோன் ஊசி செலுத்தியதாக குற்றச்சாட்டு எழுந்தது.

இந்நிலையில் தன் தாய் தனக்கு ஹார்மோன் ஊசி போட்டு தன்னை பெரிய பொண்ணாக காட்டியதாக எழுந்த சர்ச்சைக்கு பதிலளித்துள்ளார் நடிகை ஹன்சிகா.

அவர் கூறிய விளக்கத்தில், நான் சிறுமியாக இருந்தபோது எனது தாயார் ஹார்மோன் ஊசி போட்டு விரைவில் என்னை பெரிய பெண்ணாக்கி விட்டதாக தொடர்ந்து வதந்திகள் பரவி வருகின்றன.

அதில் உண்மை இல்லை. நான் ஒரு பிரபலம் என்பதால் இதுபோன்ற வதந்திகள் வருகின்றன.

எனக்கு ஊசி என்றால் பயம். ஊசி பயம் காரணமாக பச்சைக்குத்திக் கொள்வது இல்லை, அப்படி இருக்கையில் என் தாய் எப்படி ஹார்மோன் ஊசி போடுவார். நானும் எப்படி சம்மதிப்பேன். இந்த வதந்திகள் மூலம் எனது வளர்ச்சியை பார்த்து பொறாமைப்படுகிறார்கள் என்பது புரிகிறது என்றார்.

இந்த நிலையில் இவருக்கும் சோஹேல் கதுரியா என்பவருக்கும் கடந்த ஆண்டு டிசம்பர் மாதம் ராஜஸ்தானில் திருமணம் நடைபெற்றது.

ஹன்சிகாவின் கணவர் சோஹேலுக்கு இது இரண்டாவது திருமணம் என்றும் ஹன்சிகா தனது தோழியின் முன்னாள் கணவரை திருமணம் செய்துகொண்டதாகவும் சர்ச்சை எழுந்தது குறிப்பிடதக்கது.