சிம்புவுடனான காதலுக்குப் பிறகு இன்னொருவருக்கு 'எஸ்' சொல்ல இத்தனை ஆண்டுகள் ஆனது - ஹன்சிகா!

நடிகை ஹன்சிகா மோத்வானி, சோஹேல் கதுரியாவை டிசம்பர் 4, 2022 அன்று திருமணம் செய்து கொண்டார்.

ஜெய்ப்பூரில் உள்ள முண்டோட்டா கோட்டை மற்றும் அரண்மனையில் இவர்களின் திருமணம் பிரமாண்டமாக நடந்தது.

டிஸ்னி+ஹாட்ஸ்டாரில் லவ் ஷாதி டிராமா என்ற பெயரில் ஹன்சிகாவின் திருமணம் வெளியாகியுள்ளது.

முன்னணி ஆங்கில ஊடக நேர்க்காணலில் கலந்துக் கொண்ட ஹன்சிகாவிடம் சிம்புவை பிரிந்த பிறகு இரண்டாவது காதல் கடினமாக இருந்ததா எனக் கேட்கப்பட்டது.

எனக்கு அதற்கு பல வருடங்கள் தேவைப்பட்டது. இன்னொருவரிடம் ரிலேஷன்ஷிப்புக்கு சரி என்று சொல்ல எனக்கு குறைந்தது 7-8 வருடங்கள் ஆனது. நான் காதலை நம்புகிறேன். நான் ரொமாண்டிக்கான ஆள், ஆனால் அதை வெளிப்படையாகக் காட்டிக்கொள்ள மாட்டேன்.

நான் திருமணத்தை நம்புகிறேன். உண்மையைச் சொல்வதென்றால், நான் அதிக நேரத்தை எடுத்துக்கொண்டு, என்றென்றும் என்னுடையவராக இருக்கும் ஒருவருக்கு எஸ் என்று சொல்ல விரும்பினேன்.

சோஹைல் என் காதலை இன்னும் நம்ப வைத்தார். ஹன்சிகா தனது கடந்தகால உறவில் இருந்து ஏதாவது பாடம் கற்றுக் கொண்டாரா எனக் கேட்டதற்கு, “இல்லை. அது வேறு உறவு, அது முடிந்துவிட்டது. இது வேறு உறவு” என்றார்.

ஹன்சிகா மோத்வானி தற்போது MY3 என்ற OTT தொடர் உட்பட பல படங்களில் பிஸியாக இருப்பது குறிப்பிடத்தக்கது.