31 குழந்தைகளை தத்தெடுத்து வளர்ப்பதில் மகிழ்கிறேன்- நடிகை ஹன்சிகா நெகிழ்ச்சி..!

தமிழில் முன்னணி கதாநாயகியாக வலம் வருபவர் ஹன்சிகா. தமிழில் மாப்பிள்ளை படத்தின் மூலம் அறிமுகமான இவர் எங்கேயும் காதல் படத்தின் மூலம் தனக்கென ரசிகர் பட்டாளத்தை பெற்றார்.

இவர் கடந்த டிசம்பர் 4-ந் தேதி தொழில் அதிபர் சொஹைல் கத்தூரியாவை திருமணம் செய்து கொண்டார். இவரின் திருமணம் ரசிகர்களிடையேபெரும் எதிர்பார்ப்பை ஏற்படுத்தியது.

இவர் ஆதரவற்ற குழந்தைகளை தத்தெடுத்து வளர்த்து வருகிறார். அதற்கு அவர் அம்மா தான் காரணம் என கூறுகிறார். மேலும் கடவுளின் ஆசி இருப்பதால்தான் என் வாழ்க்கை நல்லபடியாக போய்க் கொண்டிருக்கிறது.

திருமணமான பிறகு சினிமாவுக்கு கொஞ்சம் ஓய்வு கொடுத்தேன். சமீபத்தில் ஒரு விளம்பர படப்பிடிப்பில் பங்கேற்றேன். 20-ந் தேதி முதல் இடைவெளி இல்லாமல் படப்பிடிப்பில் ஈடுபட போகிறேன். கிட்டத்தட்ட ஏழு படங்களில் நடிக்க ஒப்பந்தமாகி இருக்கிறேன். இரண்டு வெப் தொடர்கள் உள்ளன. எனவே நான் மிகவும் பிசி" என்று கூறியுள்ளார்.

மேலும் "பண்டிகை நாட்களில் மற்றவர்களுக்கு உதவ வேண்டும் என்று எனது அம்மா சிறுவயதிலேயே எனக்கு சொல்லி கொடுத்து இருக்கிறார். நாம் நல்லது செய்தால் நமக்கு நல்லது நடக்கும் என்றும் அவர் கூறுவார். அதனால்தான் நான் கதாநாயகி ஆன பிறகு குழந்தைகளை தத்தெடுத்துக்கொண்டேன். இப்போது 31 குழந்தைகள் என்னிடம் இருக்கிறார்கள். அவர்களை தத்தெடுத்து வளர்ப்பது மகிழ்ச்சியாக உள்ளது.

பொங்கலை முன்னிட்டு அந்த குழந்தைகளுக்கு புத்தாடை எடுத்துக்கொடுத்தேன். குழந்தைகளின் சந்தோஷத்தை வார்த்தைகளால் சொல்லவே முடியாது என கூறியுள்ளார்.

அவர் நடிகை என்பதை தாண்டி இது மாதிரியான செயல்களுக்காக அவரது ரசிகர்கள் ஹன்சிகாவை இன்னும் புகழ்ந்து வருகின்றனர்.