'கவர்ச்சியாக தெரிய இதையெல்லாம் செய்ய சொன்னார்' - இயக்குநர் குறித்து சமீரா ரெட்டி புகார்!

கவர்ச்சியாக தெரிய உடலில் சில அறுவை சிகிச்சையை செய்ய கூறி பிரபல இயக்குநர் தன்னை கட்டாயப்படுத்தியதாக நடிகை சமீரா ரெட்டி புகார் தெரிவித்துள்ளார்.

சமீபத்தில் பல நடிகைகள் தங்களுக்கு ஏற்பட்ட கசப்பான அனுபவங்களை மீடூ மூலம் வெளிப்படுத்தி வருகின்றனர். இந்த நிலையில் நடிகை சமீரா ரெட்டி திரைத்துறையில் தனக்கு நடந்த கசப்பான அனுபவம் குறித்து வெளிப்படுத்தியிருக்கிறார்.

இயக்குநர் கௌதம் மேனன் இயக்கத்தில் சூர்யா நடிப்பில் வெளியான வாரணம் ஆயிரம் படம் மூலம் தமிழில் அறிமுகமானவர் நடிகை சமீரா ரெட்டி.

மேக்னா என்ற கதாபாத்திரத்தில் நடித்த அவரை ரசிகர்கள் இன்றும் மறக்கவில்லை. பலரும் இன்று வரை மேக்னா என்றே அவரை அழைக்கின்றனர்.

தமிழ், தெலுங்கு, இந்தி படங்களில் நடித்து வந்த சமீரா ரெட்டி, கடந்த 2014-ம் ஆண்டு அக்‌ஷய் என்ற தொழிலதிபரை திருமணம் செய்து கொண்டார். அதனை தொடர்ந்து சினிமாவிலிருந்து ஒதுங்கிய சமீராவுக்கு ஒரு மகனும், மகளும் இருக்கிறார்கள்.

இந்நிலையில் நடிகை சமீரா ரெட்டி பாலிவுட்டில் தனக்கு நேர்ந்த கசப்பான அனுபவம் குறித்து பேட்டி ஒன்றில் பேசியுள்ளார்.

அதில், நான் சினிமாவில் நடிக்க வந்த போது இயக்குநர் ஒருவர் தன்னை மோசமாக பார்த்தார் என்று தெரிவித்துள்ளார்.

மேலும், நான் கவர்ச்சியாக தெரிய என் உடலில் சில பகுதிகளை அறுவை சிகிச்சை செய்து மாற்ற வேண்டும் என்று அந்த இயக்குநர் கூறினார்.

நான் மறுத்தேன். ஆனாலும் அவர் என்னை தொடர்ந்து கட்டாயப்படுத்தினார். அவர் சொன்னதை நான் செய்யவில்லை.

சில நடிகைகள் அறுவை நிகிச்சை செய்துள்ளனர். அது அவர்கள் விருப்பம். ஆனால் நான் செய்யவில்லை என்று சமீரா அந்த பேட்டியில் தெரிவித்துள்ளார்.