நடிகர் கார்த்திக் குமார், அம்ருதா ஸ்ரீனிவாசன் திருமண படங்கள்!

நடிகர் கார்த்திக் குமார், நடிகை அம்ருதா ஸ்ரீனிவாசன் திருமணம் சென்னையில் நடந்தது.

இரு வீட்டாரின் நெருங்கிய உறவினர்கள், நண்பர்கள் மட்டுமே இந்தத் திருமணத்தில் கலந்து கொண்டனர்.

கார்த்திக் குமார் கண்ட நாள் முதல், வெப்பம், யாரடி நீ மோகினி, அலைபாயுதே உள்பட பல படங்களில் நடித்தவர்.

நாடகத்திலிருந்து வந்த கார்த்திக், இப்போதும் நாடகம் மீது காதல் கொண்டிருப்பவர். ஸ்டேன்ட் அப் காமெடியன்.

இத்தனை திறமைகள் இருந்தும் தமிழ் சினிமா அவரை பாரின் ரிட்டர்ன் மாப்பிள்ளையாகவே பயன்படுத்தியது.

ஒருகட்டத்தில் சினிமாவே வேண்டாம் என ஸ்டேன்ட் அப் காமெடியில் கவனம் செலுத்த ஆரம்பித்தார். அவருக்கும் நடிகை அம்ருதா ஸ்ரீனிவாசனுக்கும் சென்னையில் திருமணம் நடந்தது.

இது இரு வீட்டு சம்மதத்துடன் நடந்த காதல் திருமணம். அம்ருதா பிரபலமான சித்தி குறும்படத்தில் நடித்தவர்.

வைபவ் நடித்த மேயாத மான், கார்த்தியின் தேவ் படங்களிலும் நடித்துள்ளார். ஒரு வெப் தொடரிலும் நடித்துள்ளார்.

இவர்களின் திருமணத்துக்கு திரையுலகினர் பலரும் வாழ்த்து தெரிவித்துள்ளனர். குறிப்பாக நடிகைகள் வினோதினி, லட்சுமி ப்ரியா போன்றவர்கள் சமூகவலைத்தளத்தில் இந்த புதுத்தம்பதியை வாழ்த்தியுள்ளனர்.

கார்த்திக் குமார் பின்னணி பாடகி சுசித்ராவை முன்பு திருமணம் செய்து கருத்து வேறுபாட்டால் அவரை விவாகரத்து செய்து கொண்டார்.

"இந்த மனிதன் கார்த்திக்குக்கு ஒரு பெரிய பிரேக் தேவைப்பட்டது. அது அம்ருதா மூலம் கிடைத்துள்ளது" என வினோதினி தனது வாழ்த்து செய்தியில் குறிப்பிட்டுள்ளார். இதையே பலரும் பல்வேறு வார்த்தைகளில் கூறியுள்ளனர்.