''நன்றி கமல் சார், அடுத்து கிளைமேக்ஸ் தான்'' - இந்தியன் 2 அப்டேட் கொடுத்த ஷங்கர்...!

இந்தியன் 2, கேம் சேஞ்சர் என ஒரே நேரத்தில் இரண்டு படங்களை இயக்கிவருகிறார் இயக்குநர் ஷங்கர். சமீபத்தில் கேம் சேஞ்சர் படத்தின் ஒரு பாடல் படமாக்கப்பட்டது. இந்தப் பாடலுக்கு பிரபு தேவா நடனம் அமைத்திருந்தார்.

இந்தப் பாடலில் ராம் சரண் - கியாரா அத்வானி இருவரும் இணைந்து நடனமாடினர்.

இதனையடுத்து தற்போது இந்தியன் 2 படத்துக்காக இயக்குநர் ஷங்கர், நடிகர் கமல்ஹாசன் உள்ளிட்டோர் தென்னாப்பிரிக்கா சென்றுள்ளனர். அங்கே இந்தப் படத்தின் முக்கிய காட்சிகள் படமாக்கப்பட்டுவருகின்றன.

நடிகர் கமல்ஹாசன் அங்கே எடுக்கப்பட்ட புகைப்படங்களை  இன்ஸ்டாகிராமில் பகிர அவை வைரலாகி வருகின்றன.

இந்த நிலையில் தென்னாப்பிரிக்காவில் நடைபெற்றுவந்த இந்தியன் 2 படப்பிடிப்பு நிறைவு பெற்றதாக ஷங்கர் அறிவித்துள்ளார்.

அவரது பதிவில், பவர் பேக்டு ஷெட்யூலுக்கு நன்றி கமல்ஹாசன் சார். மீண்டும் உங்களை மே மாதம் சந்திக்கிறேன். இந்தியன் 2விலிருந்து கேம் சேஞ்சர் பட கிளைமேக்ஸை படமாக்க செல்கிறேன் என்று குறிப்பிட்டுள்ளார்.