மீண்டும் சந்திப்போமா? அஜித் - ஷாலினியின் படத்தை வெளியிட்ட அமர்க்களம் இயக்குநர்!

அமர்க்களம் படத்தின் இறுதி நாள் படப்பிடிப்பில் எடுத்த படத்தை ட்விட்டரில் பகிர்ந்துள்ளார் இயக்குநர் சரண்.

அஜித், ஷாலினி, ரகுவரன், நாசர் உள்ளிட்டோர் நடிப்பில் 1999-ம் ஆண்டு வெளியான படம் அமர்க்களம்.

இயக்குநர் சரண் இயக்கியிருந்த இந்தப் படத்திற்கு பரத்வாஜ் இசையமைத்திருந்தார்.

அமர்க்களம் படத்தின்போது ஷாலினியும் அஜித்தும் காதலிக்கத் தொடங்கியது அனைவரும் அறிந்ததே.

அதன் பிறகு 2000-ம் ஆண்டு இவர்கள் திருமணமும் செய்துக் கொண்டார்கள்.

தற்போது அஜித் - ஷாலினி தம்பதிக்கு அனோஷ்கா என்ற மகளும், ஆத்விக் என்ற மகனும் இருக்கிறார்கள்.

தமிழ் சினிமாவின் முக்கிய நட்சத்திர தம்பதிகளுள் இவர்களும் ஒருவராக வலம் வருகிறார்கள்.

இந்நிலையில் அமர்க்களம் படத்தின் இறுதி நாள் படப்பிடிப்பில் எடுத்த படத்தை, இயக்குநர் சரண் தனது ட்விட்டரில் பகிர்ந்துள்ளார். அதில், 'பிரிகிறோம் மீண்டும் சந்திப்போமா' நொடிகள் , என்றும் குறிப்பிட்டுள்ளார்.