சீரியலில் நடிக்க வரும் எஸ்.ஏ.சந்திர சேகர்?

இயக்குநர் எஸ்.ஏ.சந்திரசேகர் சீரியலில் நடிக்கவிருப்பதாக தகவல்கள் வெளியாகியிருக்கின்றன.

இயக்குநர், நடிகர், தயாரிப்பாளர், எழுத்தாளர் என பன்முகங்களைக் கொண்டவர் எஸ்.ஏ.சந்திர சேகர்.

1981-ஆம் ஆண்டு வெளிவந்த ‘சட்டம் ஒரு இருட்டறை’ என்ற படத்தின் மூலம் தமிழ் சினிமாவுக்கு இயக்குநராக அறிமுகமானார்.

தொடர்ந்து தமிழ், தெலுங்கு, கன்னடம் என பல மொழிகளில் 70-க்கும் மேற்பட்ட திரைப்படங்களை இயக்கியுள்ளார்.

எஸ்.ஏ.சந்திர சேகர் இயக்கிய பெரும்பாலான படங்கள் ரசிகர்களிடம் வரவேற்பைப் பெற்றன.

இந்நிலையில் அவர் சீரியலில் நடிக்கவிருப்பதாக தகவல்கள் தெரிவிக்கின்றன.

ராதிகா சரத்குமாரின் ராடன் நிறுவனம் விசுவின் சம்சாரம் அது மின்சாரம் படத்தை சீரியலாக தயாரிக்கவிருப்பதாகவும், அதில் விசு கதாபாத்திரத்தில் எஸ்.ஏ.சி நடிக்கவிருப்பதாகவும் கூறப்படுகிறது.

கிழக்கு வாசல் என தலைப்பிடப்பட்டிருக்கும் இந்த சீரியல் குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.