எருமை மாடுகளை ரேப் செய்யும் காட்சி குறித்த மிஷ்கின் பேச்சுக்கு எதிர்ப்பு!

வெற்றிமாறனின் உதவி இயக்குனர் மதிமாறன் இயக்கியிருக்கும் திரைப்படம் செல்பி. ஜிவி பிரகாஷ், கௌதம் வாசுதேவ மேனன் பிரதான வேடங்களில் நடித்திருக்கும் இந்தப் படத்தின் பத்திரிகையாளர் சந்திப்பில் ஜிவி பிரகாஷ், இயக்குனர்கள் மதிமாறன், வெற்றிமாறன், மிஷ்கின், சுப்பிரமணியம் சிவா, தயாரிப்பாளர் தாணு உட்பட ஏராளமானோர் கலந்து கொண்டனர்.

அப்போது பேசிய மிஷ்கின், வெற்றிமாறனுக்கு உதவியாக இருக்கும் அவரது நண்பர்கள் குறித்து பேசினார். முக்கியமாக ஜெகதீஷ் என்ற நண்பரை குறித்து பேசிய அவர், நல்லது கெட்டது எதுவாக இருந்தாலும் ஜெகதீஷிடம் சொல்லு என்று வெற்றிமாறன் தனது பாரத்தை அவரது தோளில் இறக்கி வைப்பார் என்று குறிப்பிட்டார்.

பார்க்கும் போதெல்லாம், நடிக்க தன்னிடம் ஜெகதீஷ் வாய்ப்பு கேட்பார் என்றும், அடுத்தப் படத்தில் ஐந்து எருமை மாடுகளை ரேப் பண்றது மாதிரி ஒரு சீன் வச்சிட வேண்டியதுதான் என்றும் சொல்ல மேடையில் இருந்த வெற்றிமாறன் உட்பட அனைவரும் சிரித்தனர்.

தற்போது இந்தப் பேச்சு சர்ச்சை ஆகியுள்ளது.வலிமை திரைபடத்தை விமர்சித்த ப்ளூ சட்டை மாறன் அஜித்தின் உருவத்தை கேலி செய்திருந்தார். இதற்கு நடிகர்கள் கண்டனம் தெரிவித்திருந்தனர். நடிகர் ஆரி, ஆர்.கே.சுரேஷ் போன்றவர்கள் சினிமா விழா மேடையிலேயே கண்டனமும், எச்சரிக்கையும் விடுத்திருந்தனர்.

இதனை முன்வைத்து திரையுலகினருக்கும், யூடியூப் சினிமா விமர்சகர்களுக்கும் இடையே ஒரு பனிப்போர் நடந்து கொண்டிருக்கிறது. இப்படி ஒரு சூழலில் மிஷ்கின், எருமை மாட்டை ரேப் செய்யும் காட்சி வைக்கப்போறேன் என்று சொன்னது சர்ச்சையாகியுள்ளது.

இந்தப் பேச்சை குறிப்பிட்டிருக்கும் ப்ளூ சட்டை மாறன், 'கடந்த சில வாரங்களாக விமர்சகர்கள் எப்படி நாகரீகமாக பேச வேண்டுமென சினிமா நிகழ்ச்சிகள் மற்றும் யூட்யூப் சேனல்களில் பாடம் எடுத்த தம்பி ஆரி, ஆர்கே சுரேஷ், தயாரிப்பாளர் கே ராஜன் உள்ளிட்ட சில சினிமாக்காரர்கள் மிஷ்கினின் ஆபாச பேச்சுக்கு வாய் திறக்க மாட்டார்கள். நானாவது தனிப்பட்ட யூடியூப் சேனலில் பேசினேன் ஆனால் மிஷ்கின் மொத்த பத்திரிகையாளர்கள் முன்பு இப்படிப் பேசியுள்ளார்.

சுண்டைக்காய் செலிபிரிட்டிகளே...  திராணி இருந்தால் இதை கண்டியுங்கள். இல்லாவிட்டால் இனி மற்றவர்களுக்கு நாகரீக பாடம் எடுக்காதீர்கள்...' என கூறியுள்ளார். மிஷ்கினின் எருமை மாடு ரேப் பேச்சுக்கு பல்வேறு தரப்பினரும் கண்டனம் தெரிவித்து வருகின்றனர்.