விஜய் ஆண்டனி படத்தில் மோகன் ராஜாவின் மகன் நடித்துள்ளாரா? - சித்தப்பா ஜெயம் ரவி போட்ட ட்வீட்!

விஜய் ஆண்டனி நடிப்பில் உருவாகியுள்ள தமிழரசன் படம் திரையரங்குகளில் வெளியாகியுள்ளது.

இந்தப் படத்தில் சுரேஷ் கோபி, ரம்யா நம்பீசன், யோகி பாபு உள்ளிட்டோர் முக்கிய வேடங்களில் நடித்துள்ளனர்.

இளையராஜா இந்தப் படத்துக்கு இசையமைத்துள்ளார்.

தமிழரசன் படத்தில் இயக்குநர் மோகன் ராஜாவின் மகன் பிரணவ் முக்கிய வேடங்களில் நடித்துள்ளார்.

இதனையடுத்து சித்தப்பா ஜெயம் ரவி பிரணவ்க்கு ட்விட்டரில் வாழ்த்து தெரிவித்துள்ளார்.

அவரது பதிவில், என்னுடைய பிரணவ் குட்டி, மிகப்பெரிய வெற்றியைப் பெற வாழ்த்துகள். உன்னை திரையில் காணும்போது தோன்றும் மகிழ்ச்சியை வெளிப்படுத்த வார்த்தைகளில்லை என்று குறிப்பிட்டுள்ளார்.

ஜெயம் ரவியின் மகன் ஆரவ் டிக் டிக் டிக் படத்தில் ஏற்கனவே நடித்திருந்தார் என்பது குறிப்பிடத்தக்கது.