ஆஸ்கர் விருது விழாவில் அசத்த தயாரான தீபிகா படுகோனே.. வெளியான சூப்பர் தகவல்!

வரும் மார்ச் 12ஆம் தேதி லாஸ் ஏஞ்சல்ஸில் நடைபெறவிருக்கும் அகாடமி விருதுகளை தொகுத்து வழங்கும் தொகுப்பாளர்களில் ஒருவராக நடிகை தீபிகா படுகோனே இடம்பெற்றுள்ளார்.

அவருடன் இணைந்து ஹாலிவுட் பிரபலங்கள், எமிலி பிளண்ட், சாமுவேல் எல் ஜாக்சன், டுவைன் ஜான்சன், மைக்கேல் பி ஜோர்டான், ஜானெல்லே மோனே, ஜோ சல்டானா, ஜெனிபர் கான்னெல்லி, ரிஸ் அகமது மற்றும் மெலிசா மெக்கார்த்தி உள்ளிட்டோரும் ஆஸ்கர் விருதை தொகுத்து வழங்கவிருக்கின்றனர்.

சர்வதேச அளவில் புகழ்பெற்ற தீபிகாவுக்கு இது மேலும் பெருமை சேர்க்கக்கூடிய ஒரு அங்கீகாரம்.

முன்பு கேன்ஸ் விருது குழுவில் இடம் பெற்ற ஒரே இந்திய பிரபலமாகவும் தீபிகா இருந்தார்.

ஆஸ்கர் விருது விழாவை தொகுத்து வழங்கும் தொகுப்பாளர் பட்டியலை தனது இன்ஸ்டகிராமிலும் பகிர்ந்துள்ளார்.

இதையறிந்த ரசிகர்கள் மிகுந்த மகிழ்ச்சியும், உற்சாகமும் அடைந்துள்ளனர்.

சிறந்த ஒரிஜினல் பாடலுக்கான விருதை 'நாட்டு நாட்டு' பாடல் வெல்லும் என்று எதிர்பார்க்கும் இந்தியர்கள் ஆஸ்கார் விழாவுக்கு ஆர்வத்துடன் காத்திருக்கிறார்கள்.

தற்போது அவர்களை இன்னும் மகிழ்ச்சியில் ஆழ்த்தியுள்ளார் தீபிகா.