ரோபோ ஷங்கருக்கு உண்மையில் என்ன பிரச்னை? உடல் மெலிந்ததற்கு காரணத்தை சொன்ன மகள்..!

விஜய் டிவி-யில் ஒளிபரப்பான கலக்கப் போவது யாரு நிகழ்ச்சியின் மூலம் பார்வையாளர்கள் மத்தியில் பிரபலமானவர் ரோபோ சங்கர்.

தனுஷின் மாரி, விஷ்ணு விஷாலின் வேலைன்னு வந்துட்டா வெள்ளக்காரன் உள்ளிட்ட படங்களில் ரோபோ ஷங்கரின் காமெடி பாரட்டப்பட்டது.

இதற்கிடையே சில தினங்கள் முன்பு அவரின் லேட்டஸ்ட் போட்டோ ஒன்று வெளியாகி ரசிகர்களை அதிர்ச்சியில் ஆழ்த்தியது.

படத்தில் அவர் மிகவும் உடல் மெலிந்து காணப்பட்டதால், ரோபோ ஷங்கருக்கு உடல்நலக் குறைவு ஏற்பட்டிருக்குமோ என சந்தேகத்தில் ஆழ்ந்தனர் ரசிகர்கள்.

ரோபோ ஷங்கர் இப்போது நடித்து வரும் படம் ஒன்றிற்காகத் தான் இந்தளவு எடையைக் குறைத்திருக்கிறார் என்றும், அவர் முழு உடல்நலத்துடன் இருக்கிறார் என்றும் தகவல்கள் வந்தன.

இந்த நிலையில் ரோபோ ஷங்கரின் அண்ணன் மகள் தற்போது யூடியூப் தளம் ஒன்றுக்கு பேட்டியளித்துள்ளார். அதில் எனக்கு சினிமாவில் நடிக்க விருப்பம். வாய்ப்புக்காக காத்திருக்கிறேன். ஆனால் ரோபோ ஷங்கரின் அண்ணன் மகள் என வாய்ப்பு கேட்க எனக்கு விருப்பமில்லை.

ரோபோ ஷங்கர் படத்துக்காக சமீபத்தில் எடை குறைந்தார். ஒரு நிகழ்ச்சிக்காக வெளியூர் சென்றபோது அவருக்கு லேசான மஞ்சள் காமாலை இருந்தது. இதனால் அவர் பார்ப்பதற்கு டயர்டாக இருப்பதுபோல் இருக்கிறது. மற்றபடி அவருக்கு உடல் நலக்குறைவு எல்லாம் இல்லை. அவர் ஆரோக்கியமாகவே இருக்கிறார் என்று பேசினார்.