குக் வித் கோமாளி காளையனா இது? - 10 ஆண்டுகள் முந்தைய போட்டோ வைரல்

மிகப்பெரிய எதிர்பார்ப்புகளுக்கு இடையே ஒளிபரப்பான குக் வித் கோமாளி சீசன் 4 நிகழ்ச்சிக்கு ரசிகர்களிடையே ஆர்வம் சற்று குறைவாகவே இருக்கிறது.

காரணம் கடந்த சீசன்களைக் காட்டிலும் பங்கேற்ற போட்டியாளர்கள் ரசிகர்களை பெரிதும் கவரவில்லை என்று கூறப்படுகிறது.

இதன் ஒரு பகுதியாக மணிமேகலையும் நிகழ்ச்சியிலிருந்து வெளியேறி ரசிகர்களிடையே அதிர்ச்சியளித்தார். அவர் வெளியேறியதற்கான காரணம் இதுவரை தெரியவில்லை.

முதல் எலிமினேஷனில் நாய் சேகர் பட இயக்குநர் கிஷோர் வெளியேற கடந்த வாரம் காளையன் நிகழ்ச்சியிலிருந்து வெளியேறினார்.

புகழ் , ஜி.பி.முத்து உள்ளிட்ட கோமாளிகளை ஜாலியாக அவர் அடிக்க, அவர்களும் காளையனைக் கண்டு மிரள என நிகழ்ச்சியின் கலகலகப்புக்கு அவர் பெரிதும் கைகொடுத்தார்.

காளையன் நிகழ்ச்சியை விட்டு வெளியேறியது ரசிகர்களிடையே வருத்தத்தை ஏற்படுத்தியிருக்கிறது.

இந்த நிலையில் 10 ஆண்டுகளுக்கு முந்தைய காளையனின் படங்கள் தற்போது வெளியாகி ரசிகர்களை ஆச்சரியப்படுத்தியிருக்கிறது.

தற்போதை விட சற்று ஒல்லியாகவும் கட்டுமஸ்தான உடலுடன் அவர் காட்சியளிக்கிறார்.