லியோவுக்கும் விக்ரமுக்கும் இப்படி ஒரு கனெக்ஷனா ? லோகேஷ் வேற லெவல் சம்பவம்

தளபதி விஜய்யின் லியோ டீசர் தற்போது வெளியாகி வைரலாகிவரும் நிலையில் அதனை டிகோட் செய்கிறேன் என்ற பெயரில்  சமூக வலைதளங்களில் ரசிகர்கள்  பிரித்துமேய்ந்துகொண்டிருக்கிறார்கள்.

லோகேஷ் கூட இந்த அளவுக்கு யோசித்திருக்க மாட்டார் எனும் அளவுக்கு படம் இப்படித் தான் இருக்கும் என முழு படத்தையும் முன்பே கணித்துவருகின்றனர்.

அந்த வகையில் தற்போது வெளியாகியிருக்கும் புரமோவையும் விக்ரம் படப்பிடிப்பு துவங்குவதற்கு முன் வெளியான புரமோவையும் ஒப்பிட்டுவருகின்றனர்.

இரண்டு டீசர்களிலும் தனியாக இருக்கும் வீடு, இரண்டு ஹீரோக்களும் ஜன்னலுக்கு அருகே நிற்கும் சில்லவுட் ஷாட், பின்னணியில் டைனிங் டேபிள், இருவரது வலது கண்ணுக்கு மட்டும் குளோசப், விக்ரமில் சமையல் செய்ய, லியோவில் சாக்லெட் தயாரிக்கிறார் என ஒற்றுமைகளை பட்டியலிட்டுவருகின்றனர்.

ஒருவேளை லோகேஷ் தெரிந்தே தான் இப்படி இரண்டு டீசர்களையும் ஒன்றுபோல படமாக்கியிருக்கலாம் என்றும் ஒரு சில ரசிகர்கள் கருதுகின்றனர். காரணம் இரண்டு படங்களும் ஒரே யூனிவர்ஸில் நடப்பதாக இருக்கும் என்பது அவர்களது கணிப்பாக இருக்கிறது.

விக்ரம் படம் துவங்குவதற்கு முன் இதுபோன்று டீசர் வெளியிடப்பட்டது. ஆனால் படத்துக்கும் அந்த டீசருக்கும் துளியும் சம்மந்தம் இருக்காது.

அதுபோல லியோ படத்துக்கும்  தற்போது வெளியான டீசருக்கும் சம்மந்தம் இருக்குமா ? இல்லை படத்தின் தலைப்பை அறிவிக்க உருவாக்கப்பட்ட டீசரா என்பது பொறுத்து இருந்து தான் பார்க்க வேண்டும்.