பார்த்திபன் ஒரு டெக்னாலஜி சீனியர் - முதலமைச்சர் மு.க.ஸ்டாலின் புகழாரம்!

நடிகர் பார்த்திபனின் இரவின் நிழல் படத்தைப் பார்த்த தமிழக முதலமைச்சர் மு.க.ஸ்டாலின், தனது பாராட்டுகளை தெரிவித்துள்ளார்.

நடிகர் பார்த்திபன் சிங்கிள் ஷாட்டில் எடுத்துள்ள இரவின் நிழல் திரைப்படம் வெளியாகி ரசிகர்களிடம் நல்ல வரவேற்பைப் பெற்றது.

இதில் வரலட்சுமி சரத்குமார், ரோபோ சங்கர், மற்றும் ஆஹா கல்யாணம் என்ற வெப் சீரிஸில் பவி டீச்சர் என்ற கதாபாத்திரத்தில் நடித்து புகழ் பெற்ற பிரிகிதா ஆகியோர் முக்கியக் கதாபாத்திரங்களில் நடித்துள்ளனர்.

படத்தை பலரும் பாராட்டி வரும் நிலையில், தமிழக முதலமைச்சர் மு.க.ஸ்டாலின் இரவின் நிழல் படத்திற்கு தனது பாராட்டுகளை தெரிவித்துள்ளார்.

திரைப்படத்தைப் பார்த்ததும், முதல்வர் மு.க.ஸ்டாலின் பார்த்திபனின் இந்த அசாத்தியமான சாதனை முயற்சியை வெகுவாகப் பாராட்டி, "இரவின் நிழல் திரைப்படம் பற்றி ஒரே வார்த்தையில் சொல்வதெனில் அற்புதம்!" என்று பாராட்டி, பார்த்திபனையும் படக்குழுவினர் யாவரையும் வாழ்த்தினார்.

”எதிலும் தனிப்பாணி - அதுதான் பார்த்திபன்! #OthaSeruppu-க்குப் பிறகு ஒத்த ஷாட் படம்!” என ட்விட்டரிலும் பதிவிட்டிருந்தார் முதல்வர்.

முதல்வர் மு.க.ஸ்டாலினின் பாராட்டால் பார்த்திபனும், இரவின் நிழல் படக்குழுவினரும் மிகுந்த உற்சாகத்தில் இருக்கிறார்கள்.