Suriya Bala: படப்பிடிப்பு தளத்தில் மோதிக்கொண்ட சூர்யா - பாலா?

இயக்குநர் பாலாவுடன் நடிகர் சூர்யா மீண்டும் இணையும் படமான சூர்யா 41 படப்பிடிப்பு தளத்திலிருந்து அவர் திடீரென கிளம்பிச் சென்றதாக செய்திகள் வெளியாகின.

சூர்யாவுக்கு நந்தா படத்தின் மூலம் திருப்புமுனை ஏற்படுத்தித் தந்தவர் பாலா. அந்தப் படத்தில்தான் சூர்யா என்ற நடிகரை இந்த உலகம் அடையாளம் கண்டுகொண்டது.

அதன்பிறகு பாலாவின் பிதாமகன் திரைப்படத்தில் சிறப்பான வேடம் ஒன்றில் சூர்யா நடித்தார். இவ்விரு படங்கள் தான் இன்றைய சூர்யா என்ற நடிகரை உருவாக்கியது எனலாம்.

இதையடுத்து மீண்டும் 18 ஆண்டுகள் கழித்து, பாலாவும் சூர்யாவும் புதிய படத்தில் இணைவதற்கான அறிவிப்பு கடந்த மார்ச் மாதம் வெளியானது.

இந்நிலையில் நேற்று காலை படப்பிடிப்பு தளத்தில் சூர்யாவுக்கும், பாலாவுக்கும் வாக்குவாதம் நடந்ததாகவும், இதனால் கோபமடைந்த சூர்யா அங்கிருந்து கிளம்பிச் சென்றதாகவும் தகவல்கள் வெளியாகின.

இது குறித்து பேசிய தயாரிப்பாளர் ராஜசேகர், அப்படி எதுவும் இல்லை. படப்பிடிப்பு ரொம்பவே நல்லபடியாக நடந்து வருகிறது. முதல் ஷெட்யூல் படப்பிடிப்பு 34 நாள்களுடன் நிறைவு பெற்றது. இதனையடுத்து இரண்டாவது ஷெட்யூலை ஜூன் மாதத்தில் நடத்தத் திட்டமிட்டுள்ளனர். படக்குழு ஜூனில் கோவா செல்கிறது என்று தெரிவித்துள்ளார்.