சர்ஜரி செய்துக் கொள்ளலாமா என நினைத்தேன்... அனன்யா பாண்டே உருக்கம்

தன்னை உருவகேலி செய்வதாக பாலிவுட் நடிகை அனன்யா பாண்டே உருக்கமாக தெரிவித்துள்ளார்.

தமிழ், தெலுங்கு, இந்தி, மலையாளம் உள்ளிட்ட மொழிகளில் வெளியான லைகர் படத்தில் விஜய் தேவகொண்டாவுக்கு ஜோடியாக நடித்தவர் அனன்யா பாண்டே.

பிரபல பாலிவுட் நடிகர் சங்கி பாண்டேவின் மகளான இவர், தான் ஒல்லியாக இருப்பதால் உருவ கேலிக்கு ஆளாகியிருப்பதாக தெரிவித்துள்ளார்.

இது குறித்து அவர் அளித்த பேட்டியில், “நான் ஒல்லியாக இருப்பதாக பலர் என்னை உருவகேலி செய்தனர். ஒரு பெண்ணுக்கு இருக்க வேண்டிய லட்சணங்கள் உனக்கு இல்லை. பையன் மாதிரி இருக்கிறாய்.

இதனால் பல நாட்கள் வருந்தினேன். உடல் பாகங்களை சர்ஜரி செய்துக் கொள்ளலாமா என்று கூட நினைத்தேன். எனது நடிப்பு திறமையை பார்க்காமல் உருவகேலி செய்தனர்.

ஒரு கட்டத்தில் இது குறித்து கவனம் கொள்ளாமல் நடிப்பில் கவனம் செலுத்தத் தொடங்கினேன். உடல்கேலியை எதிர் கொள்பவர்கள் சிரித்துக் கொண்டே இருங்கள்” என்ரு தெரிவித்திருக்கிறார்.

அனன்யா பாண்டேவின் இந்த பேச்சு இணையத்தில் வரவேற்பைப் பெற்று வருகிறது.