பிகில் படத்தின் புதிய போஸ்டர் : அர்ச்சனா கல்பாத்தியின் அதிரடி அறிவிப்பு

பிகில் இசைவெளியீட்டு விழாவுக்கான புதிய போஸ்டர் இன்று மாலை வெளியாகும் என்று படக்குழு அறிவித்துள்ளது.

தெறி, மெர்சல் படங்களைத் தொடர்ந்து 3-வது முறையாக அட்லீ - விஜய் கூட்டணி இணைந்துள்ள படம் பிகில்.

ஏ.ஜி.எஸ் என்டர்டெயின்மென்ட் நிறுவனம் பிரமாண்டமாக தயாரித்திருக்கும் இந்தப் படத்துக்கு ஏ.ஆர்.ரஹ்மான் இசையமைத்துள்ளார்.

தீபாவளிக்கு திரைக்கு வர இருக்கும் பிகில் படத்தின் இரண்டு பாடல்கள் வெளியாகி ரசிகர்களிடையே வரவேற்பைப் பெற்றுள்ளது.

படத்தின் இசைவெளியீட்டு விழா வரும் 19-ம் தேதி சென்னையில் நடைபெற உள்ள நிலையில் அதற்கான புதிய போஸ்டர் இன்று மாலை 4 மணிக்கு வெளியாகும் என்று அர்ச்சனா கல்பாத்தி அறிவித்துள்ளார்.

படக்குழுவின் இந்த அறிவிப்பால் விஜய் ரசிகர்கள் மகிழ்ச்சியடைந்துள்ளனர்.

பிகில் இசை வெளியீட்டு விழாவை நடிகை ரம்யா சுப்ரமணியம் தொகுத்து வழங்க இருப்பதும் குறிப்பிடத்தக்கது.