அஜித் பட இயக்குநரின் பிரம்மாண்ட படம்: ஹீரோவாக அறிமுகமாகும் அதர்வாவின் தம்பி - மாஸ்டர் கனெக்ட்

முரளியின் மூத்த மகனாக அதர்வா நடிப்பில் கடைசியாக பட்டத்து அரசன் என்ற படம் வெளியாகியிருந்தது. தற்போது நிறங்கள் மூன்று, தணல் உள்ளிட்ட படங்களில் ஹீரோவாக நடித்துவருகிறார்.

இந்த நிலையில் அதர்வாவின் தம்பி ஆகாஷ் முரளியும் ஹீரோவாக அறிமுகமாகவிருப்பதாக தகவல் வெளியாகியுள்ளது.

இந்தப் படத்தை மாஸ்டர் படத் தயாரிப்பாளர் சேவியர் பிரிட்டோ தனது எக்ஸ்பி ஃபிலிம் கிரியேட்டர்ஸ் சார்பாக தயாரிக்கிறார். சேவியர் பிரிட்டோவின் மகள் சினேகா பிரிட்டோவுக்கும் ஆகாஷ் முரளிக்கும் கடந்த 2020 ஆம் ஆண்டு திருமணம் நடைபெற்றது குறிப்பிடத்தக்கது.

சேவியர் பிரிட்டோவின் உறவினர் என்ற முறையில் நடிகர் விஜய் இவர்களது திருமணத்தில் கலந்துகொண்டிருந்தார் என்பது குறிப்பிடத்தக்கது.

சினேகா பிரிட்டோ கடந்த 2012 ஆம் ஆண்டு வெளியான சட்டம் ஒரு இருட்டறை படத்தை இயக்கியிருக்கிறார்.

இந்த நிலையில் ஆகாஷ் முரளி ஹீரோவாக நடிக்கவிருக்கும் படத்தை அறிந்தும் அறியாமலும், பில்லா, ஆரம்பம் உள்ளிட்ட பல படங்களை இயக்கிய விஷ்ணுவர்தன் இயக்கிவருகிறாராம்.

இந்தப் படத்தின் படப்பிடிப்பு சென்னையில் துவங்கி விறுவிறுப்பாக நடைபெற்றுவருவதாக கூறப்படுகிறது. மேலும் இந்தப் படத்தில் ஆகாஷ் முரளிக்கு ஜோடியாக அதிதி ஷங்கர் நடிக்கிறாராம்.

விஷ்ணு வர்தன் கடைசியாக ஷேர்ஷா என்ற ஹிந்திப் படத்தை இயக்கியிருந்தார். ஏகே 62 படத்திலிருந்து விக்னேஷ் சிவன் விலகிய போது அந்தப் படத்தை இயக்க விஷ்ணுவர்தனின் பெயரும் இடம்பெற்றிருந்தது குறிப்பிடத்தக்கது.