கில்லி நடிகரின் க்யூட் டான்ஸ்.. திருமண கொண்டாட்டத்தில் ஆஷிஷ் வித்யார்த்தி - ரூபாலி பருவா ஜோடி!

நடிகர் ஆஷிஷ் வித்யார்த்தி  மே 25ஆம் தேதி, ரூபாலி பருவா என்ற தொழிலதிபரை திருமணம் செய்து கொண்டதாக அறிவித்தார்.

நீதிமன்றத்தில் திருமணம், அதைத் தொடர்ந்து அவர்களின் நெருங்கிய குடும்பத்தினர் மற்றும் நெருங்கிய நண்பர்கள் மட்டுமே கலந்து கொண்ட கெட் டுகெதர் நடந்தது.

திருமணத்தில் இருவரும் ஹாப் ஒயிட் உடைகளில் இருந்தனர். மனைவிக்கு அழகான நெக்லஸ் ஒன்றை அணிவித்தார் ஆஷிஷ்.

கொல்கத்தாவில் நடந்த இந்நிகழ்வில் புதுமண தம்பதிகள் இருவரும் நடனமாடி மகிழ்ந்தனர்.

ஆஷிஷ் வித்யார்த்தியின் மனைவி ரூபாலி, கவுகாத்தியைச் சேர்ந்தவர். கொல்கத்தாவில் NAMEG எனப்படும் ஒரு உயர்தர ஃபேஷன் கடையை நடத்தி வருகிறார்.

தகவல்களின்படி, வித்யார்த்தி மற்றும் ரூபாலியின் காதல் கதை ஃபேஷன் ஷூட்டின் போது தொடங்கியுள்ளது. இருவரும் அதிலிருந்து ஒருவரையொருவர் புரிந்துக் கொள்ள தொடங்கினார்களாம்.

சில வருடங்கள் கழிந்த பிறகு, அவர்களது பிணைப்பு வலுவடைந்தது. தங்கள் உறவை அடுத்த கட்டத்திற்கு எடுத்துச் செல்ல நினைத்த அவர்கள் இறுதியாக திருமணம் செய்துக் கொள்ளும் திட்டத்திற்கு வந்துள்ளனர். பார்ப்பதற்கு இளமையாக தெரியும் ரூபாலிக்கு தற்போது 50 வயதாகிறது. இவருக்கு ஒரு மகளும் இருக்கிறார்.