அருண் விஜய் நடிக்கும் தமிழ் ராக்கர்ஸ் வெப் சீரிஸின் ட்ரெய்லர் வெளியீடு…

அருண் விஜய் நடித்துள்ள தமிழ் ராக்கர்ஸ் வெப் சீரிஸ் ஆகஸ்ட் 19ஆம் தேதி சோனி ஓ.டி.டியில் வெளியாகிறது. இதையொட்டி வெப் சீரிஸிற்கான ட்ரெய்லர் இன்று வெளியிடப்பட்டுள்ளது.

நடிகர் அருண் விஜய் இயக்குநர் அறிவழகன் இயக்கத்தில் இணைய தொடர் ஒன்றில் நடித்துள்ளார். தமிழ் ராக்கர்ஸ் என பெயர் வைக்கப்பட்டிருக்கும் அந்த தொடர் ஆகஸ்ட் 19ஆம் தேதி ஓ.டி.டியில் வெளியாகிறது.

அதற்கான அறிவிப்பை தயாரிப்பு நிறுவனம் ஏ.வி.எம், சோனி நிறுவனத்துடன் இணைந்து அறிவித்துள்ளது. இந்த இணைய தொடரில் தமிழ் ராக்கர்ஸ் இணையதளம் எவ்வாறு முறைகேடாக திரைப்படங்களை பதிவேற்றம் செய்கின்றனர், அதனால் தயாரிப்பாளர்கள் சந்திக்கும் இழப்பு என்ன, அந்த குற்ற நடவடிக்கை எவ்வாறு நடக்கிறது என்பது குறித்து படமாக்கியுள்ளனர் என கூறப்படுகிறது.

இதற்கான டீசர் சில வாரங்களுக்கு முன்பு வெளியானது. இந்த நிலையில் தற்போது தமிழ் ராக்கர்ஸ் இணையத்துடரின் ட்ரெய்லரை வெளியிட்டுள்ளனர்.

மேலும் ஆகஸ்ட் 10ஆம் தேதி வெளியாகும் எனவும் அறிவித்திருக்கின்றனர். இந்த இணைய தொடரில் அருண் விஜய் உடன் வாணி போஜன், ஐஸ்வர்யா மேனன் உள்ளிட்டோர் நடித்துள்ளனர்.