ஏ.ஆர்.முருகதாஸுக்கு இவ்வளவு பெரிய மகளா? வைரலாகும் குடும்ப போட்டோ

இந்திய அளவில் திரைப்பட இயக்குநர்களில் மிக முக்கியமானவர் ஏ.ஆர்.முருகதாஸ். தமிழில் நடிகர் அஜித்தின் தீனா படத்தின் மூலம் இயக்குநராக அறிமுகமான ஏ.ஆர்.முருகதாஸ், ரமணா, கஜினி, ஏழாம் அறிவு, துப்பாக்கி, கத்தி என பிரம்மாண்ட வெற்றிப்படங்களைக் கொடுத்திருக்கிறார்.

தெலுங்கில் சிரஞ்சீவியுடன் இணைந்து ஸ்டாலின் என்ற வெற்றிப் படத்தைக் கொடுத்த முருகதாஸ், ஹிந்தியில் அமிர்கானை வைத்து கஜினி படத்தை ரீமேக் செய்திருந்தார். 2008 ஆம் ஆண்டு வெளியான இந்தப் படம் வசூல் சாதனை படைத்தது. ஹிந்தியில் ரூ.100 கோடி வசூலித்த முதல் படம் என்ற பெருமையையும் பெற்றது.

ஹந்தியில் துப்பாக்கி ரீமேக்கான  ஹாலிடே, மௌன குரு ரீமேக்கான அகிரா போன்ற படங்களையும் முருகதாஸ் இயக்கியிருக்கிறார்.

தளபதி விஜய்க்கு துப்பாக்கி, கத்தி, சர்கார் என ஹாட்ரிக் ஹிட்களைக் கொடுத்து அவரது ரசிகர்கள் மனதில் இடம் பிடித்திருக்கிறார் முருகதாஸ்.

எங்கேயும் எப்போதும், ராஜா ராணி, மான் கராத்தே போன்ற படங்களையும் ஏ.ஆர்.முருகதாஸ் தயாரித்திருக்கிறார்.

ஏ.ஆர்.முருகதாஸ் கடைசியாக சூப்பர் ஸ்டார் ரஜினிகாந்த் நடிப்பில் தர்பார் என்ற படத்தை இயக்கியிருந்தார். தர்பார் படம் எதிர்பார்த்த வெற்றியைப் பெறவில்லை.

அடுத்ததாக சிவகார்த்திகேயன் நடிக்கும் படத்தை முருகதாஸ் இயக்கவிருப்பதாக தகவல் பரவிவருகிறது. இருப்பினும் இந்தத் தகவல் உறுதிபடுத்தப்படவில்லை.

இந்த நிலையில் ஏ.ஆர்.முருகதாஸின் குடும்ப புகைப்படம் ஒன்று சமூக வலைதளங்களில் வைரலாகி வருகிறது. ஏ.ஆர்.முருகதாஸிற்கு இவ்வளவு பெரிய மகளா என ரசிகர்கள் ஆச்சரியம் தெரிவித்துவருகின்றனர்.