''எனக்கு அரிய வகை நோய் இருக்கிறது.. ஷூட்டிங்கூட நின்றுவிடும்'' - ரசிகர்களுக்கு ஷாக் கொடுத்த அனுஷ்கா!

நடிகை அனுஷ்கா தான் சிரிப்பு வியாதியால் பாதிக்கப்பட்டிருப்பதாக சமீபத்திய பேட்டியில் தெரிவித்துள்ளார்.

சமீபகாலமாக நடிகைகள் தங்களின் உடல்நலப் பிரச்னைகளை வெளிப்படையாக பகிர்ந்து வருகின்றனர்.

சமந்தாவுக்கு மயோசிடிஸ், ஸ்ருதி ஹாசனுக்கு பி.சி.ஓ.எஸ் என நடிகைகள் தாங்கள் எதிர்கொண்டு வரும் பிரச்னைகளைப் பற்றி மனம் திறந்து பேசி வருகிறார்கள்.

அந்த வகையில் நடிகை அனுஷ்கா தனக்கு அரிய வகை நோய் இருப்பதாக சமீபத்திய பேட்டியில் தெரிவித்துள்ளார்.

இது குறித்து பேட்டி ஒன்றில் குறிப்பிட்ட அனுஷ்கா, “எனக்கு சிரிக்கும் வியாதி இருக்கிறது. சிரிப்பது ஒரு பிரச்சினையா என்று நீங்கள் நினைக்கலாம். ஆனால் இது வேறு மாதிரியான சிரிப்பு.

நான் சிரிக்க ஆரம்பித்தால் 15 முதல் 20 நிமிடங்கள் தொடர்ந்து சிரித்துக்கொண்டே இருப்பேன்.

நகைச்சுவை காட்சிகள் வந்தால் விழுந்து விழுந்து சிரித்துக்கொண்டிருப்பேன். என்னால் அந்த நேரத்தில் சிரிப்பை கட்டுப்படுத்தவே முடியாது. படப்பிடிப்பு அரங்கில் நான் சிரிக்க ஆரம்பித்தால் படப்பிடிப்பை கூட நிறுத்திவிட வேண்டியதுதான்.

கிட்டத்தட்ட 20 நிமிடங்கள் சிரித்துக்கொண்டே இருப்பேன். இந்த இடைவெளியில் படப்பிடிப்பில் இருப்பவர்கள் டிபன், ஸ்நாக்ஸ் போன்றவற்றை சாப்பிட்டு முடித்து விடுவார்கள்” என்று தெரிவித்துள்ளார்.