ஆடை இல்லாமயே நடிச்சிட்டேன்... இது ஒரு விஷயமே இல்ல - அமலா பால் அதிரடி பதில்!

மலையாள படமான ஆடுஜீவிதம் படத்தில் லிப் லாக் காட்சியில் நடித்தது தொடர்பாக நடிகை அமலா பால் விளக்கம் அளித்துள்ளது ரசிகர்களிடையே பேசு பொருளாக மாறியுள்ளது.

மலையாள நடிகையான அமலா பால் தமிழ், தெலுங்கு, உள்ளிட்ட மொழிகளில் நடித்துள்ளார்.

இவர் தமிழில் தெய்வ திருமகள், தலைவா, வேலையில்லா பட்டதாரி, நிமிர்ந்து நில் உள்ளிட்ட படங்களில் நடித்தது மூலம் ரசிகர்களிடையே கவனத்தை பெற்றார்.

தற்போது, பிருத்விராஜ்க்கு ஜோடியாக அமலா பால் நடித்துள்ள மலையாள படம் ஆடு ஜீவிதம்.  இதில் நடிகை அமலா பால் பிரித்விராஜின் மனைவியாக நடித்துள்ளார்.

இப்படத்தில் ஆஸ்கர் வின்னர்களான ஏ ஆர் ரகுமான் மற்றும் ரசூல் குட்டி ஆகிய இருவரும் பணியாற்றி உள்ளனர்.

ஆடு ஜீவிதம் படத்தை மலையாள சினிமாவின் அனைவரும் எதிர்பார்த்து காத்திருக்கின்றனர்.

மலையாள எழுத்தாளர் பென்யாமின் எழுதிய 'ஆடு ஜீவிதம்'என்ற நாவலை அடிப்படையாக வைத்து இந்த படம் உருவாக்கப்பட்டுள்ளது.

சமீபத்தில் இப்படத்தின் டிரைலர் வெளியாகி அதில் இடம்பெற்றிருந்த பிருத்விராஜ் அமலாபாலின் லிப்லாக் காட்சி பரபரப்பை ஏற்படுத்தியது.

இந்நிலையில், இதுகுறித்து அமலாபாலிடம் கேட்ட போது, ஆடு ஜீவிதம் படத்தின் கதையை சொன்னபோதே லிப்லாக் காட்சி இருப்பதை சொல்லிவிட்டார்கள்.

படத்திற்கும், கதைக்கும் அந்த முத்தக் காட்சி மிகவும் முக்கியமானது என்பதால் நான் நடித்தேன்.

மேலும், கதைக்கு தேவை என்பதற்காக நிர்வாணமாகவே நடித்திருக்கிறேன். லிப்லாக் காட்சி எல்லாம் ஒரு விஷயமே இல்லை என்று அதிரடியாக பதில் அளித்து உள்ளார் அமலா பால்.