2 கோடி பார்வைகளை கடந்த புஷ்பா ட்ரெய்லர்!

அல்லு அர்ஜுனின் புஷ்பா படத்தின் ட்ரெய்லர் குறுகிய காலத்தில் 2 கோடி பார்வைகளை கடந்துள்ளது.

வர்த்தகத்தில் இந்தி சினிமாவுக்கு அடுத்த இடத்தை நோக்கி முன்னேறுகிறது தெலுங்கு சினிமா. தெலுங்கு, தமிழ், இந்தி என பான் - இந்தியா திரைப்படமாகவே அங்குள்ள முன்னணி நடிகர்களின் படங்கள் தயாராகின்றன.

அல்லு அர்ஜுன் நடிப்பில் டிசம்பர் 17-ம் தேதி வெளியாகவிருக்கும் புஷ்பா திரைப்படத்தின் முதல் பாகம் தெலுங்கு, தமிழ், மலையாளம், கன்னடம், இந்தி என ஐந்து மொழிகளில் வெளியாகிறது.

இதன் ட்ரெய்லர் 6-ஆம் தேதி மாலை 6.30 க்கு வெளியாகும் என அறிவித்திருந்தனர்.

புஷ்பா கதாபாத்திர அறிமுக டீஸர் மிரட்டலாக இருந்ததால் புஷ்பா ட்ரெய்லருக்கு அனைவரும் காத்திருந்தனர்.

தொழில்நுட்பக் கோளாறு காரணமாக அறிவித்ததைவிட சில மணி நேரங்கள் கழித்தே புஷ்பா ட்ரெய்லர் வெளியானது. ஆக்ஷன், காதல் காட்சிகள் நிறைந்ததாக ட்ரெயலரை உருவாக்கியிருந்தனர்.

முதல் டீஸரில் இருந்த சிக்னேச்சர் ஆக்ஷன் காட்சிகள் ட்ரெய்லரில் இடம்பெறாதது ரசிகர்களுக்கு ஏமாற்றமே.

ஆனால் ஒரே நாளில் இந்த ட்ரெயலர் 20 மில்லியன் பார்வைகளை பெற்றுள்ளது. அதாவது 2 கோடி முறை இந்த ட்ரெய்லர் பார்க்கப்பட்டிருக்கிறது.

இந்த வருடம் இந்திய அளவில் அதிகம் எதிர்பார்க்கப்பட்ட படங்களில் ஒன்று புஷ்பா. அல்லு அர்ஜுனின் வசூல் சாதனைகளை இந்தப் படம் முறியடிக்கும் என கருதப்படுகிறது.

டிசம்பர் 17-ம் தேதி புஷ்பா தமிழகத்தில் தமிழ், தெலுங்கு என இரு மொழிகளில் வெளியாகிறது.

தமிழக திரையரங்கு விநியோக உரிமையை வாங்கியிருக்கும் லைகா கட்அவுட், பேனர் என தமிழ் மாஸ் நடிகர்களின் படங்களுக்கு இணையாக புஷ்பாவுக்கு புரமோஷன் செய்து வருகிறது.

அல்லு அர்ஜூனின் புஷ்பா திரைப்படம்

அல்லு அர்ஜூனின் புஷ்பா திரைப்படம்

அல்லு அர்ஜூனின் புஷ்பா திரைப்படம்