லியோவுடன் அஜித்? கவனம் பெறும் புகைப்படம்..!

நடிகர் அஜித்தின் லேட்டஸ்ட் படம் ஒன்று வைரலாகி வருகிறது. அவருக்குப் பின்னால் லியோ எனக் குறிப்பிடப்பட்டுள்ளது தான் இதில் சுவாரஸ்யம்.

துணிவு படத்தின் வெளியீட்டை தொடர்ந்து, தனது அடுத்தப் படத்திற்கு தயாராகி வருகிறார் அஜித்.

ஏகே 62 என்றழைக்கப்படும் இந்தப் படத்தை முதலில் விக்னேஷ் சிவன் இயக்குவார் என அறிவிக்கப்பட்ட நிலையில், தற்போது மகிழ் திருமேனி இயக்குவதாகக் கூறப்படுகின்றன.

அதன் படப்பிடிப்பு முடிந்ததும், தனது இரண்டாவது உலக மோட்டார் சைக்கிள் சுற்றுப் பயணத்தை மேற்கொள்ளவிருக்கிறார் அஜித்.

அதோடு அவர் தனது ஓய்வு நேரங்களில் குடும்பத்துடன் வெளிநாடுகளுக்கு சுற்றுலா செல்வதை வழக்கமாக வைத்திருக்கிறார்.

அவர் சமீபத்தில் தனது குடும்பத்துடன் எடுத்துக் கொண்ட படங்கள் அனைத்தும் இணையத்தில் வெளியாகி கவனம் ஈர்த்தன.

இந்நிலையில் தற்போது மனைவி ஷாலினி மற்றும் மகன் ஆத்விக்குடன் அஜித் எடுத்துக் கொண்ட படம் கவனம் ஈர்த்து வருகிறது. அதில் அஜித்துக்கு பின்புறம் லியோ எனக் குறிப்பிடப்பட்டுள்ளது.