சில நேரம் அந்த அணைப்பு மட்டும் போதும்... ஐஸ்வர்யா ரஜினிகாந்த் வெளியிட்ட லேட்டஸ்ட் படங்கள்!

தனது மகன்கள் யாத்ரா மற்றும் லிங்காவுடனான புதிய புகைப்படங்களை இன்ஸ்டகிராமில் பதிவிட்டுள்ளார்.

நடிகர் தனுஷ் அவரது மனைவி ஐஸ்வர்யா ரஜினிகாந்த் இருவரும் பரஸ்பரம் மனமொத்து பிரிவதாக கடந்த ஜனவரி மாதம் அறிவிப்பு ஒன்றை வெளியிட்டனர்.

அதில், “18 ஆண்டுகள் நண்பர்களாக, தம்பதிகளாக, பெற்றோர்களாக மற்றும் நலம் விரும்பிகளாக எங்கள் இருவரையும் ஒன்றாக இணைத்த இந்த பயணம் வளர்ச்சி, புரிதல், அனுசரிப்பு என இருந்தது.

இன்று எங்கள் பாதைகள் பிரியும் ஓரிடத்தில் நிற்கிறோம். நாங்கள் இருவரும் பிரிவதாக பரஸ்பரம் முடிவு செய்துள்ளோம். மேலும் எங்களை தனிநபர்களாக சிறப்பாக புரிந்து கொள்ள நேரம் ஒதுக்குகிறோம். தயவு செய்து எங்கள் முடிவை மதித்து, இதை சமாளிக்க தேவையான தனி மனித சுதந்திரத்தை எங்களுக்கு வழங்குமாறு கேட்டுக் கொள்கிறோம்" எனக் குறிப்பிட்டிருந்தனர்.

இது பிரபலங்கள் மற்றும் ரசிகர்கள் மத்தியில் அதிர்ச்சியை ஏற்படுத்தியது.

மகள் ஐஸ்வர்யாவின் முடிவால் வருத்தமான ரஜினிகாந்த், மீண்டும் அவரை தனுஷுடன் இணைத்து வைக்க முயற்சித்ததாகவும் கூறப்பட்டது.

இதையடுத்து தனுஷும், ஐஸ்வர்யாவும் தங்களது மகன்களுடன் தனித்தனியே நேரத்தை செலவிட்டு வருகின்றனர்.

சில தினங்கள் முன்பு தி கிரே மேன் ப்ரீமியர் ஷோவில் அப்பா தனுஷுடன் இருந்தனர் யாத்ராவும் லிங்காவும்.

இந்நிலையில் தற்போது மகன்களை கட்டிப்பிடித்திருக்கும் புகைப்படங்களை பகிர்ந்து, ”சில நேரம் உங்களுக்கு தேவையானது அவர்களின் அணைப்பு மட்டுமே” என்று குறிப்பிட்டுள்ளார்.